Batar Noi Mutin no Sele Hektare 15 Iha Manufahi Hetan Atake Husi Laho

by -307 views
Batar noi mutin no sele ne’ebé komunidade Betanu kuda hetan atake hodi laho iha fulan-marsu nia laran. Imajen TP/luis casimiro

(Reportajen Korrespondente Munisipiu Manufahi, Luis Casimiro Lopes,/Editor Mateus da Cruz)

MANUFAHI—Tuir monitorizasaun hosi Organizasaun Naun Governamental, Kdadalak Sulimutu Institutu, nota katak, toos hektare 15 iha Same, Munisípiu Manufahi, ne’ebe komunidade sira uza hodi kuda batar no sele, barak maka estragu tanba hetan atake hosi Laho.

“Tuir observasaun KSI ba to’os komunidade aldeia Loro, Be’e Metan, Leo-ai, Raifusa, Sesurai, Selihasan no Aldeia Lalika, Suku Betanu, Postu Administrativu Same, Munisípiu Manufahi kuaze hektare sanulu resin lima iha Betanu hetan estragu hosi Laho,” informa Ofisial Kdadalak Sulimutu Institutu (KSI) iha munisípiu Manufahi, Carlos da Costa, ba Timor Post, iha Same, Sesta (25/03).

Nia hatete, iha toos ne’e komunidade sira maioria kuda batar ho variedade Noi Mutin no batar sele. Ai-han sira ne’e kuaze totalmente la aproveita inklui sira seluk ne’ebé komunidade sira kuda iha Betano.

Ho problema ida ne’e, komunidade sira Aldeia hitu iha suku Betano sei kolleta batar Noi Mutin no Sele ho rezultadu menus liu.

“Ami nia akompaña ba komunidade aldeia Raifusa kuaze ba ema na’in ne’e nulu resin sia (69) maibé oras ne’e daudaun kuaze aldeia sira seluk hamutuk ho ida ne’e ami observa ne’e sira nia batar laho han hotu, ”nia dehan. (lcl).

No More Posts Available.

No more pages to load.