Bankada CNRT Konsidera EE dalimak Razaun Polítika

by -75 views

Timor Post (01/09/2020)-Vise xefe Bankada partidu Congreço Nacionál Reconstrução de Timor (CNRT), Patrocínio Fernandes, pedidu estensaun estadu emerjénsia hosi ba governu ba xefe estadu ne’e laiha nesesidade maibé tanba ho razaun polítika iha laran.

“Laiha nesesidade razaun saida mak atu bele justifika katak ita atu bele implementa tan estadu emerjénsia, CNRT haree katak Estensaun ida foin lalais liu ba kotuk iha faze estadu emerjénsia dahat nian CNRT Konsidera laiha nesesidade, agora husu atu entende tan ba faze dalimak ne’e mós laiha nesesidade, CNRT la aseita tanba haree katak implementa EE ne’e ho razaun polítika,” preokupa Patrocínio ba jornalista sira iha PN Tersa (01/09).

Nia reafirma politikament CNRT la aseita tanba haree  ne’e polítika de’it  la iha evidénsia atu hatudu katak  iha duni situasaun ida ne’ebé ke presiza atu implementa estadu emerjénsia.

Entretantu  iha 31  fulan Agostu 2020, Membru Konsellu Estadu iha reuniaun rekomenda ona bá prezidente repúblika  atu haruka bá parlamentu nasionál pedidu estadu emerjénsia dalimak ba parlamentu  nasionál diskute no  aprova nune’e  Prezidente Repúblika bele  dekreta.(Jornalista: Julio Salinas Soares)

No More Posts Available.

No more pages to load.