Autoridade Sira Diskuti Lei Prosedimentu Konsesaun Indultu no Komutasaun Pena

by -68 views
Foto Mídia PN

DILI (Timor Post)-Komisaun A ne’ebé trata asuntu Konstitusionais no Justisa, iha loron 29 fulan Setembru tinan 2021, halo audiénsia ho Prezidente Tribunal Rekursu, Deolindo dos Santos, Prokuradór – Jerál Repúblika, Alfonso Lopez, no Defensora Públika, Câncio Xavier, iha sala konferénsia Parlamentu Nasionál.

Audiénsia ne’e ho objetivu atu diskute kona-ba Projetu Lei n.o 33/V(4ª) – Alterasaun dahuluk ba Lei n.o 5/2016, loron 25 fulan Maiu, ne’ebé estabelese Prosedimentu Konsesaun Indultu no Komutasaun Pena.

Durante audiénsia ne’ebé prezide husi Prezidente Komisaun Em-Exercício, Deputadu Francisco de Vasconcelos, ne’e diskute liu kona-ba prinsípiu no konteúdu husi lei refere ne’ebé haree husi aspetu justisa nian.

Iha loron hanesan, Komisaun C ne’ebé trata asuntu Finansas Públikas, halo aprovasaun ba relatóriu no pareser ba Orsamentu Privativu Parlamentu Nasionál nian ba tinan 2022. (*/teu)

No More Posts Available.

No more pages to load.