Autoridade RAEOA Seidauk halo Pagamentu ba Kompañia Sira Apoiu Servisu Durante Periodu COVID-19

by -58 views

Timor Post (03/12/2020)-Deputada, Lucia Taeki, preokupa tanba iha RAEOA to’o ohin loron autoridade seidauk halo pagamentu ba kompañia Catering, kompañia halo manutensaun ba karreta no loja sira ne’ebé apoiu servisu durante períodu Covid-19.

Taeki fó sai katak, Ministériu Saúde halo ona asina akordu ho autoridade RAEOA no transfere ona osan millaun $ 2.4 maibé sidauk realiza pagamentu, no nia konsidera aat liu kompañia sira ne’ebé hatama  ona dokumentu maibé sekretaria rejionál Finansas RAEOA halo lakon tiha.

“Ida ne’e ita kestionadu tebes”, kestiona deputada iha Parlamentu Nasionál, Kinta (03/12).

Molok hakotu Taeki fó parabéns ba pesoál saúde no   frontliner sira mezmu to’o ohin loron balun seidauk hetan direitu, no nia enkoraja  simu nafatin serbisu saida mak governu fó.

Entretantu PN, Kinta (3/12) ne’e aprova tan pedidu estensaun estadu emerjénsia VIII hosi Prezidente da Repúblika, hodi evita tranzmisaun pandemia global Covid-19 tama mai TL.(Jornalista: Julio Salinas Soares)

No More Posts Available.

No more pages to load.