Autoridade Prepara Portu Mahata ba Ema 200

by -991 views
komunidade Oecussi Toba iha Seems oin, hanesan asaun husu Prezidenti RAEOA hodi fasilita ró.Foto TP/Esp

(Reportajen Rosa Garcia)

Dili (Timor post) – Prezidenti Autoridade RAEOA, Arsenio Bano, ba Timor Post, Kuarta (19/05) katak Autoridade Oé-Cusse kontinua halo esforsu prepara kondisaun iha Oé-Cusse ho hari’i kapasidade quarentena 100-200 pessoas iha Portu Mahata, hodi bele simu no fasilita pasajeirus sira mai husi Dili.

“Iha semana ne’e nia laran, prosesu kontrusaun sei hahu. Objetivu husi politika ida ne’e atu kontinua prevene moras latama no mantein kontrola Covid-19 iha RAEOA hodi bele proteje ita nia inan aman sira populasaun 85000 iha RAEOA ne’ebé agora dadauk provisoriamente seguru tan laiha transmisaun lokal ka komunitaria”, afirma. Husu ba ita hotu iha Dili kontinua buka dalan hodi hetan Vasina AstraZeneca no hakbesik ba Autoridades Governu Sentral hodi hetan tulun ba aihan seluk ne’ebé Governu deside atu oferese ba komunidade hotu hotu iha Dili,sublinha.

“Autoridade sei kontinua informa situasaun ne’e ba Governu sentral hodi fasilita tulun ba ita bot sira iha rai bot. Prioridades importante mak inan aman no maluk sira 85000 hela iha Oé-Cusse seguru husi moras Covid-19”, hatutan tan.

Autoridade RAEOA lakohi foti risku hatama RAEOA iha situasaun transmisaun lokal no transmisaun komunitaria Covid-1, tan fasilidades Saude Oé-Cusse iha Hospital hanesan oxygen no ventilador seluk tan, limitado. Oé-Cusse mos iha komunidade barak ferik no katuas ne’ebé iha moras TB, tensaun, hepatitis nebe fragil ba Covid-19 atu oho Ema wainhira sira hetan moras Covid-19, informa.

Bainhira kondisaun karantina sufiente ona Autoridade RAEOA sei normaliza transporte Ema no sasan ba mai Oé-Cusse Dili. Husu pasiensia hodi ita konsege hases Oé-Cusse husi moras Covid-19 liu liu transmisaun lokal no transmisaun komunitaria. Maske ita bot sira hirus lagosta desizaun nee maibe prioridade mak ema 85000 atu labele hetan moras hadaet Covid-19 iha RAEOA, katak Bano tan. (Lee nutisia seluk iha Timor Post)

No More Posts Available.

No more pages to load.