Australia Tulun Família Afetadu Inundasaun

by -323 views
Intrega - Embaixador Australia, Peter Roberts entrega sasán ho kaixa ba VPM I no MSSI, Armanda Berta dos Santos iha salaun MSSI Kaikoli, Dili, Tersa, (11/05/2021). (Foto TP/Jose Mauno)

(Reportájen Jose Mauno/Editor Suzana Cardoso)

DILI (Timor Post) – Atu hakmaan família afetadu husi inundasaun iha loron 4 Abríl 2021 liu ba, Governu Australia kontinua fó tulun ba Governu TL liu husi Ministériu Solidariedade Sosiál no Inkluzaun (MSSI).

“Ohin lori sasán husi Australia atu oferese ba TL. No atu servisu hamutuk ho Governu TL, hanesan ohin MSSI no mós servisu hamutuk ho ministériu seluk, inklui ONG sira atu suporta ema vulneravel no iha situasaun difisil tanba inundasaun.”

Notísia Relevante: TL Hetan Apoiu Tenda 220 Hosi Australia

Lian hirak ne’e hato’o husi Embaixadór Australia mai TL, Peter Roberts ba Jornalista sira, hafoin remata serimónia entrega apoiu ba MSSI iha salaun MSSI Kaikoli, Dili, Tersa, (11/05/2021).

Embaixadór Australia mai TL, Peter Roberts. (Foto TP/Jose Mauno

Embaixadór Peter esplika liutan, sasán ne’ebé mak embaixadór fó tulun ba ema kbiit laek sira ne’e hodi fó asisténsia umanitáriu ba grupu vulneravel sira hanesan; feto, labarik no ema defisiénsia ne’ebé afetadu ba inundasaun.

Sasán ne’ebé mak Governu Australia tulun katak Peter, mak hanesan pakote ijiene 80 kaixa, hygiene kids 80 kaixa, tools kits 80 kaixa, kitchen kits 80 kaixa, blankets thin (kapoti) 400 mats, mosquito nets 240 pcs, máskara 68,400/377 kaixa tarpaulins (lona) 80 pcs.

“Ha’u sente katak Australia hanesan viziñu no kolega besik, iha responsabilidade kona-ba TL ninia nesesidade. Iha tempu difisil viziñu, kolega presiza servisu hamutuk,” hateten Embaixadór Peter.

Iha sikun seluk tuir Vice Primeiru Ministru (VPM) I no atuál Ministra Solidariedade Sosiál no Inkluzaun (MSSI), Armanda Berta dos Santos agradese ba Governu Australia tanba bele fornese apoiu ba Governu Timor-Leste, liuliu atu apoiu ba ema vulneravel sira.

Notísia Relevante: Governu TL Simu Apoiu Osan $10.000 Hosi Australia

VPM I no Atual MSSI, Armanda Berta dos Santos. (Foto TP/Jose Mauno

“Apoiu ne’ebé mak Australia fó hodi hare liubá ema vulneravel ho defisiente sira tanba ida ne’e mak ho ajuda ne’e ita sei tau prioridade ba família vulneravel sira liliu inan isin rua no mós labarik sira,” katak MSSI Berta.(Lee notisia iha jornál seluk)

No More Posts Available.

No more pages to load.