Atualidade: Kondutór Lanu ho Karreta Estadu Xoke Mate Ema iha Kolmera

by -13.347 views
Imajen ne'e hatudu situasaun iha fatin akontesimentu. Foto TP: Jaime Pires

Jornalista Jaime Pires / Editór Noémio Falcão

DILI (Timor Post)—Kondutór ba karreta estadu husi Diresaun Nasionál Seguransa Patrimoniu Públiku (DNSPP), soke motorizada ho marka Mio Bead ne’ebé tula ema na’in-rua iha Kolmera, Dili.

Asidente ne’e rejulta joven mane ne’ebé konduz motorizada kanek todan no feto ne’ebé túr iha kotuk mate fatin.

Akontesimentu ne’e iha área Kolmera, maizumenus tuku tolu lorokraik ne’e. Polísia to’o kedas iha fatin akontesimentu hodi evakua vítima sira ba Hospital Nasionál Guido Valadares (HNGV).

Observasaun Jornalista Timor Post haktuir, karreta husi diresaun Komoro, motorizada husi parte Igreja Motael hetan xoke iha área Kolmera-Jardin 5 de Maio nia sorin.

Polísia detein ona kondutor iha sela polísia Eskuadra Kaikoli, Dili.

No More Posts Available.

No more pages to load.