Atoni Oan dedika Poezia hanaran Xanana “Lapis Xanana”

by -123 views

“Lapis”

 

Lapis….Lapis…ohh…Lapis

O aimaran rohan ida

O nia isin krekas maran ruin

O la vale iha ema ne’ebe la presiza

Maibe….ema temi nafatin O naran Lapis

Lapis…Lapis…Lapis

O mak hanorin hau liman riska tun sa’e

O mak hanorin hau hakerek numeru…ida, rua, tolu too rihun

O mak hanorin hau hakerek alfabetu…a, b, c too z

Lapis…Lapis…Lapis

O mak hanorin tan hau hakerek liafuan “gerileiru” ka “funu nain”

O mak hanorin hau hakerek forma fraze “Timor Leste ukun rasik-an

Lapis…Lapis…ohh…Lapis

O nia terus, susar no kole ha’u selu labele

Tan O airohan uniku ida

Ha’u fo de’it O naran

O naran “Lapis Xanana”

No More Posts Available.

No more pages to load.