Atensaun Espesiál! Durante Loron Tolu Anin Rejada iha Territóriu Timor

by -5.093 views
Foto Espesial

DILI (Timor Post)—Diresaun Nasionál de Meteorologia e Geofísica (DNMG) fó sai previsaun tempu ba loron 21 (09:54 OTL) to’o loron 23/09/2021(00:00 OTL) anin moderadu-forte iha rejiaun kosteiras liu-liu Kosta Norte no Leste illa Timor nian akompaña ho rajadas anin moderadu-forte kuaze iha territóriu Timor laran hotu.

DNMG anunsia katak, agora dadaun atmosfera estavel hela ka maioria naroman ho kalohan balun iha territóriu Timor laran hotu no laiha tendensia atu akontese udan iha parte dader ne’e.

Iha parte meudia to’o lorokraik fatores lokal no meso-eskala toma konta hodi modula fali atmosféra tanba kauza husi akisimentu superfísie, ida ne’e sei favorece liberasaun kalor ho aumenta tan ho kuantidade vapor de água, sai nu’udar fatór favoravel atu forma kalohan, no kalohan bele kauza udan fraku-moderadu kuaze iha territóriu nasionál prinsipalmente iha parte foho sira.

#TEMPERATURA_DO_AR:

Iha rejiaun kosteira varia husi 24-31 graus celcius (temperatura maximo observa iha RAEOA no BOBONARO) no rejiaun montanhosa varia husi 18-28 graus celcius (temperatura minimo observa iha AINARO no ERMERA) .

#KONDISAUN_LALORAN:

Kosta Norte : laloran nia a’as varia husi 0.6-1.0 metru (Normal).

Kosta Sul : laloran nia a’as varia husi 0.9-1.3 metru (Normal-Moderadu).

#Informasaun:

*La iha tendensia ba udan extremu;

-Atensaun ba Viajantes sira liu-liu iha parte Maritima nian nebe viaja ho Ro ahi Rote Dili-Atauru-Oecusse atu toma atensaun ba iha ondas tanba ho laloran tasi ne’ebe ho intensidade Normal akompana ho rajadas anin nebe MODERADU-FORTE entaun sei influensia mos ba ondas maka’as.

-Husu Mos ba viajante sira ne’ebe mak desloka ba municipiu sira hodi halao atividade ruma, atu tau atensaun ba eventual ne’e. Kontinua hadok an husi fatin risku, hanesan ai hun bo’ot, linha eletricidade, no seluk tan, hodi evita ba dezastre ne’ebe ita la espera.

-Husu ba komunidade sira iha territóriu Timor laran hotu, liu-liu ba komunidade sira ne’be hela iha rejiaun kosteiras, principalmente ba maluk peskador sira atu toma atensaun ba eventual ida ne’e, atu nune’e bele evita husi dezastre ne’ebe ita hotu la espera.

-Husu ba komunidade em jeral iha territóriu Timor laran hotu atu nafatin akompanha informasaun ba kondisaun tempu no klima husi fontes ne’ebe konfiavel no kredivel liu-liu instituisaun ka autoridade ne’ebe servisu iha ramu Redusaun Risku Dezastre nian. (cao)

No More Posts Available.

No more pages to load.