Ataka Malu iha Komoro, Polísia Kaptura Membru husi Grupu IKS ho 77 Na’in-29

by -78 views

Timor Post (29/12/2020)—Falta loron haat tama tinan 2021, grupu arte marsiál Ikatan Kera Sakti (IKS) ho arte ritual “Seven Rai Na’in” (77) tuda malu iha Aldeia 05, Suku Fatuhada, Postu Administrativu Don Aleixo Munisípiu Dili, Segunda kalan (28/12/2020).

Asaun ne’e Polisia Nasionál Timor-Leste (PNTL) kaptura ema hamutuk na’in-29 ho objetu krimi nian  hosi parte rua.

 “Iha dia 28 kalan mosu tentativa asaltu malu ida iha area Merkadu Komoro nia hosi grupu rua hanesan grupu 77 ho Kera Sakti. Polisia konsege halo kapturasaun ba ema hamutuk 29, inklui mós ho objetu krime ne’ebé mak polisia halo aprensaun hanesan sasán kro’at”, haktuir Euclides,  iha nia kna’ar fatin Kaikoli tersa (29/12).

 Segundu komandante hatutan objetu krime ne’ebé sira sita maka katana ida, rama Ambon 4, fiska borraxa  3, no triplex ne’ebé halo hanesan tanen iha oin no kotuk.

Euclides hatuan parte rua agora daudaun iha hela prosesu identifikasaun, no komunika hela ho ministériu públiku atu prosesu identifikasaun.

 “Daudaun ne’e sei iha prosesu identifikasaun, ne’ebé ami hein hela orientasaun balun mai hosi Ministériu Públiku”.

Jornalista: Jaime Pires

Editor: Mariano Martins

No More Posts Available.

No more pages to load.