Asidente Faulara Rezulta Vítima Na’in Rua Kanek Todan

by -751 views
Asidente Faulara, motor Mio Beat iha hela Bus okos, Imajen Esp

(Reportajen Luis Casmeiro/Editor Mateus da Cruz)

MANUFAHI—Ohin dadeer maizumenus tuku 9:15 Oras Timor Leste, akontese asidente tráfiku ida iha Aldeia Faularan, Suku Seloi Kraik, Postu Aileu, Munisípiu Aileu, entre motorizada Mio beat kór azúl ho xapa matríkula P.0117 no Bus Niziu ho xapa matríkula 36415-TL.

Komandante Komandu Polísia Munisípiu Aileu, Superintendente Jorge Monteiro, ba Jornalista Timor Post, informa, motivu hosi asidente ne’e tanba entre Bus no motor halai lansadu hotu nune’e lakon kontrolu hodi rezulta soke malu.

“Motivu husi akontesementu ne’e vitima na’in rua mai husi Diresaun Dili atu mai Aileu no Bus Niziu husi diresaun Same ba Dili maibé tanba kondutór bus halai ho velosidade maka’as no motorizada mós halai ho velosidade maka’as nune’e sira lakon kontrolu”, nia informa ba Timor post, Kinta ne’e.

Vitima Hetan Soke ho Bus Tur hela

Nia hatete, iha asidente ne’e vítima na’in rua ne’ebé sa’e motor maka hetan kanek todan no daudaun ne’e lori ona ba Hospital Nasional Guido Valadares (HNGV) hodi halo tratamentu.

Vítima na’in rua kompostu hosi feto naran Fernania Amaral Gailo ho idade 22 no mane naran Ernesto Gaio ho idade 22.

Entretantu, Hafoin asidente akontese, kondutór bus ho konjak haree ba asidente refere grave nune’e sira na’in rua halai husik hela Bus iha fatin akontesementu hodi ba entrega aan iha Komandu Polisia Munisípiu Aileu.

“Neduni oras ne’e kondutor bus ho konjak oras ne’e dadaun iha hela Komandu Polisia Distritu Aileu nian”, nia dehan.(Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.