Dili (TimorPost.com)—Ministériu Juventude Desportu Arte no Kultura (MJDAK), liuhusi Unidade Komunikasaun no Relasaun Públika ho asesór komunikasaun iha programa kafé, hamutuk temi (tane) publikasaun jornál Timor Post.
Xefe Unidade Komunikasaun no Relasaun Públika (UKRP), Beldemira M.X de Araújo, hato’o ba reprezentante média iha reuniaun Kafé Hamutuk, ne’ebé realiza iha Salaun Magna MJDAK, Kinta (31/08/2023).
“Monitoring ne’ebé mak ami halo rezumu ba notísia iha média imprime hatudu renting husi Timor Post mak aas, tanba ami halo rezumu no ami mós halo kliping”, nia hateten.
Avaliasaun ne’ebé ekipa UKRP halo la’ós de’it ba produtu jornalistiku sira públika iha jornál, maibé haree husi online, TV no Rádiu hotu. Hirak ne’e mak motoriza hotu hodi rezulu dala-ruma média imprime tolu mak hadau malu hanesan Timor Post, STL no Independente, RTTL,EP inklui online Tatoli,I.P no online sira seluk.
Liuhusi enkontru kafé hamutuk bele hametin liután lisaun amizade entre MJDAK ho média sira hotu, nune’e ba oin bele fasilita malu atu tranzmite informasaun sira ba públiku, liuliu liga ba atividade MJDAK nian.
“Iha dadeer ida ne’e espera katak ho ita nia sorumutu bele sai lasu amizade ne’ebé di’ak no karik la satisfás ho ami nia programa ruma imi bele hato’o kedas iha para ita bele rezolve”, nia hateten.
Nune’e ba oin kuandu jornalista sira atu trasa informasaun ruma ba públiku jornalista bele entende ho di’ak, nune’e públiku sira sei la duvida ho produtu ne’ebé maka jornalista sira halo liga ba programa nonu Governu konstituisaun.
Iha fatin hanesan, Asesór Komunikasaun no Relasaun Esterna MJDAK, Evangelino Gantry dos Santos Meilana, hato’o agradese ba prezensa jornalista sira nian iha enkontru kafé hamutuk, hodi esplora hanoin sira husi média hotu-hotu, atu bele trasa planu ka programa ruma hodi kontribui tranzmite informasaun ba públiku liga asuntu juventude, desportu, arte kultura no instituisaun relevante sira seluk iha MJDAK nia okos.
“Gabinete komunikasaun informasaun presiza tebes-tebes atu iha kooperasaun di’ak ho média sira, liuliu kolega jornalista ne’ebé Ministru mós apresia ho servisu imi nian durante ne’e, maski iha fulan rua nia laran maibé nia apresia ba ita boot sira nia servisu”, nia hateten.
Liuhusi Gabinete Komunikasaun Informasaun sei iha kooperasaun balu ne’ebé sei halo hamutuk ho jornalista hotu-hotu no sei direitamente ba jornalista sira, maibé hirak ne’e hotu sei tau iha planu annual nian.
1,053 total views, 3 views today
