DILI (Timor post.com)—Karreta modelu Of Road hamutuk tolunu-resin-rua (32) mai husi Timor osidentál Kupang, Indonézia, sei halo kompetisaun iha area Tibar, Postu Bazartete, Munisípiu Likisa.
“Ami mai vizita iha Residência Prezidente Repúblika, ho objetivu atu halo scattering ka Inspesaun ba karreta Of Road, hodi haree kondisaun karreta antes tuir kompetisaun.” Dehan Sekretáriu Estadu (Sekjer) Race of Road Car iha Timor Leste, Aking Gung, iha Residência Prezidente Repúblika, Sesta-feira (01/09/2023).
Sekretáriu Jerál of Road Car iha Timor-Leste, Aking Gung dehan, antes halo kompetisaun, primeiru tenke halo uluk check and recheck ba kondisaun karreta sira nia kondisaun, nune’e bele hetan safety ka seguru nafatin antes halai taru iha Tibar.
“Ita presiza tebes atu haree karreta Of Road sira nia kondisaun sira, tanba impaktu ba kondutór ka navegadór sira ne’e perigu tebes.” Nia haktuir.
Tanba ne’e mak ita tenke fó prioridade duni ba karreta marka Of Road, hamutuk 32, antes halai, maibé bainhira kondisaun karreta ladi’ak sei labele tuir kompetisaun.
Objetivu sira ne’e mak ita hakarak atu fó rekoñesimentu, hodi check didi’ak kondisaun karreta sira, antes ita halai iha área Tibar nian.
Atividade ba kompetisaun Of Road, sei hahú iha loron Sábadu to’o Domingu, Klube ne’ebé Partisipa iha atividade refere, husi Kupang Klube Ualu (8) no Timor lima (5).
“Ita espera katak Race Of Raid, sei mai ho karreta ne’ebé kondisaun di’ak, no asegura nafatin, hodi hatudu ba mundu katak, Timor Leste mós iha ona atividade Race of Road Car.” Sekjer Aking Gung ne’e hateten.
957 total views, 33 views today
