Arte Moris Lakohi Okupa Armazen Bebora

by -732 views
Konferensia ba imprensa

Jornalista Cardenio Alves / Editór Noémio Falcão

Dili (Timor Post)—Grupu Arte Moris deklara lakohi okupa armazen Bebora ne’ebé governu oferese.

Porta-voz Arte Moris, Luna Caminha hatete, armajen Bebora la sufisiente ba sira hala’o atividade arte. Tanba ne’e, husu ba governu liuliu Ministériu Justisa atu tetu hikas desizaun.

Liuhusi konferénsia imprensa, Sesta (20/08/2021), iha edefisiu Arte Moris Komoro, Postu Administrativu Don Aleixo. Munisípiu Dili, Luna husu ba governu atu labele halo diskriminasaun entre sira ho Konsellu Kombatente Libertasaun Nasionál.

“Husu ba Ministériu Justisa labele kria diskriminasaun entre Arte Moris ho Konsellu Kombatente Libertasaun Nasionál,’’ Luna afirma.

Iha fatin hanesan, Diretór Arte-Moris, Iliwatu Danapere hatete,  armazen Bebora la to’o atu halibur membru arte moris.

“Fatin ne’e lanaton atu akumula grupu arte moris ne’ebé halibur hamutuk,” Iliwatu hatutan.

Fatin ne’eba rabat malu ho komunidade nia uma no sira sente la hakmatek no konsentra ba atividade arte nian.

Entretantu governu hasai obrigatoriu ona grupu arte moris husi fatin Komoro, maske governu dahuluk maka oferese fatin ne’e ba foinsa’e sira hodi dezenvolve sira nia arte liuliu pinta no atividade arte seluk tan.

No More Posts Available.

No more pages to load.