Arte Moris Halo Pintura Nakloke hodi Komemora Loron Invazaun

by -831 views
Prezidente Asosiasaun Arte Moris, Iliwatu Danapere

Jornalista Estajiáriu Mariano Do Santos / Editor Noemio Falcao

Dili (Timor Post) — Arte Moris sei komemora ho pintura nakloke ba públiku, atu komemora loron invazaun Indonesia iha Timor-leste, ne’ebé monu iha loron (07/12).

Prezidente Asosiasaun Arte Moris, Iliwatu Danapere, hatete, Tinan-tinan Arte Moris sempre komemora loron importante (07/12), ho pintura nakloke ba publiku, Hanesan reponsabilidade nu’udar artista ba foin sa’e sira atu hetene historia, maske dadaun hasoru hela situasaun ne’ebe soke hela sira nia fuan, maibé artista sira ne’ebé hamahan a’an iha Arte Moris, nafatin iha responsabilidade hodi hatudu sira nia komitmentu no responsabilidade ba joven sira, komitmentu nu’udar joven no mós hanesan artista iha responsabilidade parte edukasaun sivika nian koko fó nafatin lembrasa ba foinsa’e sira bele hatene historia.

“Maske hasoru hela situasaun ne’ebé ita hotu akompaña, Maibe ami sei nafatin iha komitmentu no responsabilidade nu’udar artista, Nafatin komemora loron importante ida ne’e, liu hosi aktividade pintura ba Públiku ho teatru, maibe situasaun ne’e lahamate sira nia espiritu, mantein nafatin fó lembransa ba foin sa’e sira, situasaun ne’e kona hela ami, maibé ami nafatin asegura hela ekipamentu sira ne’ebé atu halo aktividade pintura,” Prezidente lliawatu dehan ba Jornalista sira iha nia rezidensia Arte Moris, Segunda (06/12/2021).

Prezidente lliwatu sublina, Bainbain ne’e sempre buka espasu iha fatin seluk atu hetan partisaun maximu, maibé ho situasaun ida ne’e aktividade ne’e sei realiza de’it iha resintu Arte Moris Beto, no aktividade ne’e nakloke ba publiku, nune’e Prezidente Asosiasaun ne’e, husu ba foinsa’e sira ne’ebé iha interese bele partisipa.

Aktividade ne’ebé Arte Moris sei realiza mak hanesan, Pintura, Poezia, Teatru, ho muzika.

“Ami fokus ba halo see mak sente ou atrai sira nia interese no matan, tanba sei iha muzika, poema, no teatro badak halo hanesan deit, tanba ami nia palku mos tula hotu ona, maibe ami fo espasu nakloke ba ema hotu atu mai partisipa,” nia relata.

Relasiona ho akttivadade ne’e Arte Moris, mós husi ona lisensa ba autoridade segurasan Munisipiu Dili nian.

“Ba ami halo tiha ona karta lisensa, atu halo hanesan animasaun iha fatin oan ne’e, husi loron evitasaun ne’e to’o loron evitasaun hotu mak foin ami para, ne’ebe ami nia lisensa nee husi tuku 08.00 dader too tuku 10.00 kalan,” nia hakotu.

No More Posts Available.

No more pages to load.