Arsénio Bano Promete Tarde Liu 2021, Ro Haksolok iha ona Timor

by -345 views

Timor Post (15/09/2020)- Presidente Autoridade Rejiaun Administrative Espesiál Oekusi Ambenu (RAEOA) Arsénio Paixão Bano, hatete nia parte sei kontinua asegura Ró Haksolok hodi mai Timor-Leste tarde liu 2021.

“Sé kompañia ida halo Ro ne’e bankrut, entaun autoridade Oekusi reprezenta governu Timor-Leste tenke kaer metin Ro ne’e mai Timor-Leste, tanba krize la’ós Timor-Leste mak lakon kontrolu maibé krize ne’e akontese iha Portugal, ne’e Autoridade Oekusi no Governu Sentrál asegura de’it hodi Ro ne’e mai nafatin iha Timor-Leste. Ha’u espera katak 2021 ha’u hein Ro ne’e bele mai”, hatete Arsénio ba jornalista sira ámbitu abertura sesaun lejizlativa datoluk iha Parlamentu Nasionál, tersa (15/09).

Kona bá atu presiza tan osan ka lae Prezidente Autoridade ne’e hatán depois ami sei fó sai katak presiza tan ka lae.
Arsénio adianta empreza privada mós apoiu 100% no hosi ZEEMS koordena nafatin ho apoiu governu sentrál no Mari Alkatiri atu kontinua halo segmentu ba Ro Haksolok.(Jornalista: Jaime Pires)

No More Posts Available.

No more pages to load.