Armanda Berta nia Estratéjia Kona-ba ENPS Periódu 2021-2030 Aprovadu

by -560 views
Reuniaun Konsellu Ministru. Foto Espesial

Dili (Timor Post)— Reuniaun Konsellu Ministrus iha loron Kinta (11/11/2021) aprova tiha ona projetu rezolusaun governu, ne’ebé aprezenta husi Vise-Primeira-Ministra no Ministra Solidaridade Sosiál no Inkluzaun, Armanda Berta dos Santos, kona-ba Estratéjia Nasionál ba Protesaun Sosiál (ENPS) ba periódu tinan 2021-2030.

Komunikadu imprensa ne’ebé Timor Post assesu haktuir, objetivu aprovasaun estratéjia ida ne’e, atu promove evolusaun integrada husi sistema protesaun sosiál nian, hodi haluan ninia kobertura no alkanse, hodi masimiza ninia impaktu iha hamenus ki’ak no vulnerabilidade.

Estratéjia ne’e mós atu konsolida direitu sira ba seguransa sosiál no ba asisténsia sosiál, no mós asesu ho forma ne’ebé inkluziva ba servisu sosiál, ba edukasaun no ba saúde. ENPS ne’e estabelese hanesan objetivu estratéjiku, hamenus ki’ak, hadi’a no haluan seguransa sosiál ba traballadór sira no dezenvolvimentu institusionál. (cao)

No More Posts Available.

No more pages to load.