Armanda Berta : “La Taka Matan Atu Ajuda”

by -386 views
VPM I no atuál MSSI, Armanda Berta do Santos. (Foto TP/Jose Mauno)

(Reportájen Jose Mauno/Editor Suzana Cardoso)

DILI (Timor Post) – Governu Timor-Leste (TL) sei la taka matan atu ajuda família afetadu ba inundasaun liu-liu família sira ne’ebé lakon sira nia vida no família sira ne’ebé mak atu re íntrega fali mai iha sira nia hela fatin.

“Ita mós la husik hela. Ita fó sentidu kondolénsia ba ita nia família sira ne’ebé mak lakon sira nia vida iha inundasaun. Balun hetan ona. Balun to’o agora seidauk hetan. Maibé, governu la taka matan atu ajuda sira.”

Hatan Segundu lider VIII Governu Konstitusionál Timor-Leste, Armanda Berta dos Santos ba jornalista sira iha nia servisu fatin, MSSI Caicoli, Tersa, (11/05/2021), bainhira husu kona bá data re íntegra família sira iha fatin evakuasaun ba sira nia hela fatin.

Notísia relevante: Australia Tulun Família Afetadu Inundasaun

Hanesan públika tiha ona katak akontesementu inundasaun no erosaun hosi udan boot no pluviosidade 25mm iha loron 1 to’o 3 Abril 2021 kalan iha Timor-Leste (TL), halo ema besik 40-resin maka lakon vida. No ema besik rihun sia maka evakua sai husi sira nia hela fatin.

Notísia relevante: Governu TL Simu Apoiu Osan $10.000 Hosi Australia

Vice Primeiru Ministru (VPM) I no atuál Ministra Solidariedade Sosiál no Inkluzaun (MSSI) Berta esplika liutan, governu liu-liu MSSI la’ós foin mak tun ba baze atu apoiu família afetadu sira. Maibé, hahú kedas akontese inundasaun iha loron 4 Abril 2021 too agora.

“Ita mós ajuda hela ba ita nia ema afetadu sira iha fatin evakuasaun. Apoiu ne’e la’ós foos de’it, maibé fó mós apoiu hahán tasak ba ema afetadu sira. Apoiu hirak ne’e MSSI servisu hamutuk ho liña ministerial. Hanesan; ministériu administrasaun estatál no sekretáriu estadu protesaun sivíl,” tenik Berta.

Notísia relevante: TL Hetan Apoiu Tenda 220 Hosi Australia

Atu fasilita família vitima dezastre naturais sira re íntrega fali mai iha sira nia hela fatin katak Berta, liña ministerial sei hare hamutuk ho MSSI no koordena oinsá mak bele halo re íntegra fali ba família sira.(Lee notísia seluk iha jornál Timor Post)

No More Posts Available.

No more pages to load.