Ha’u Eleitu Formal no Rejigna mós Sei Deklara Ofisial

by -268 views

DILI—Prezidente Parlamentu Nasionál Arão Noé da Costa Amaral afirma, nia eleitu formal iha Plenária Parlamentu Nasionál no sé rejigna-an mós sei deklara ofisiál tuir rejimentu iha órgaun daruak ne’e nian.

“To’o ohin ha’u seidauk foti desizaun ida kona-ba kargu ne’ebé ha’u ejerse dadauk ne’e,” Prezidente Parlamentu Nasionál Arão Noe hatete ba Timor Post via telefone, Tersa (04/02/2020).

Tanba ne’e, Arão afirma, deskoñese rumoris ne’ebé lansa iha públiku katak nia hato’o karta rejignasaun relasiona ho situasaun polítika rai laran ne’ebé sai manas hafoin deputadu sira husi Bankada CNRT la fó votus a favor ba Orsamentu Jerál Etadu 2020 ne’ebé aprejenta husi Primeiru Ministru Taur Matan Ruak ho nia membru governu sira.

Arão dehan, maske situasaun polítika manas no agora prezidente repúblika halo hela diálogu hodi buka solusaun, maibé iha parlamentu nasionál la’o normal hela, plenária iha, komisaun sira funsiona no konsellu administrasaun la’o hela. (cao)

No More Posts Available.

No more pages to load.