Apoiu USAID Salva Setór privadu TL

by -211 views
USAID nia brosura

(Komunikadu Imprensa)

DILI (Timor Post) – Prosedimentu simplifikadu ba ajénsia  sira governu nian inisia  husi Autoridadea aduaneira Timor-Leste (TL) ho apoiu husi Ajensia Uniaun Europia ba Dezenvolvimentu Internasionál  (USAID) hahú husi tinan 2017 salva ona aproximadamente millaun $38 liu husi ko’a kustu importasaun remesa ne’ebé demora.

Tuir komunikadu imprensa ne’ebé redasaun online www.timorpost.com simu esplika katak, ho apoiu husi USAID nia projetu reforma aduaneira, komérsiu  internasionál  konsege salva liu loron 190.000 ne’ebé tempu anterior sira gasta ona hodi koko importa ka esporta sira nia sasán.

Tuir komunikadu imprensa ne’e, servisu ho baze katak komersiante ida lakon pelumenus USD$200 kada loron ba sira nia remesa ne’ebé  mak demora kada loron, ida ne’e ekivale ho salva osan ho total millaun USD$38  nu’udar rezultadu ida husi rezultadu barak husi asisténsia USAID nian, ne’ebé hahú iha Juñu 2017 ho pedidu husi Governu TL no remata ona iha Setembru ne’e.

Asisténsia USAID nian ne’e ho orientasaun no formasaun loron ba loron nian. Autoridade aduaneira moderniza ona liu husi prosesu sira simplifikadu, integrasaun di’ak liu tan ho ajénsia seluk governu nian, hasae ona integridade no transparénsia funsionáriu sira nian, no aliña ninia operasaun ho lei no padraun internasionál sira.

Autoridade aduaneira mós lansa ona liña apoiu nasionál alfándega, ne’ebé fó biban ba sidadaun sira hodi relata informasaun ho livre no seguru, no Portal Komérsiu Alfándega ida ne’ebé modernu, ne’ebé fornese ba utilizadór sira ho asesu online ne’ebé fasil ba informasaun relasiona ho komérsiu.

“Liu husi projetu importante ida ne’e, USAID apoiu ona Autoridade aduaneira atu sai organizasaun ida ne’ebé sai efisiente, transparente, no professional liu tan,” hateten komisionariu Interinu Autoridade Aduaneira Jose Abilio.

Liu husi moderniza oinsá prosesa sasán sira, autoridade aduaneira redús ona tempu importasaun porsentu 65 no tempu esportasaun porsentu 74 dezde 2017. Evidénsia mós hatudu katak halo integrasaun ba ajénsia seluk governu nian balun iha prosedimentu liberasaun importasaun iha Jullu 2020 rezulta remesa besik menus husi 3,000 ne’ebé hala’o husi ofisial sira governu nia.

“Maski Timor-Leste hasoru dezafiu signifikante iha tinan rua ikus ne’e, inklui pandemia Covid-19 no inundasaun ne’ebé akontese hafoin Siklone Seroja, ekipa projetu hamriik nafatin ho sira nia parseiru autoridade aduaneira no ajuda mantein portu prinsipál sira hodi kontinua halo operasaun, garante ekipamentu medikal salva-vida no material kritikal seluk kontinua atu tama iha nasaun laran,” katak Misaun USAID nia Diretór Interinu Harold Carey.

Nia hatutan, ida ne’e nu’udar kontribuisaun importante ida tan ne’ebé ami halo ho kontente no kontinua ami nia parseria ho governu no povu Timor-Leste.(Lee Notísia seluk iha Jornál Timor Post no asesu you tube timor post)

No More Posts Available.

No more pages to load.