Aniceto-Taur Partisipa Serimónia Funebre Saudozu Djafar

by -1.076 views
Imajen ne'e hatudu Prezidente Parlamentu Nasionál Aniceto Guterres, Primeiru Ministru Taur Matan Ruak ho membru governu, familia no parente sira asiste serimonia funeral iha Semiteriu Musulmanu, Taibessi, Dili. Foto Espesial

Dili (Timor Post)—Prezidente Parlamentu Nasionál Aniceto Guterres, Primeiru Ministru Taur Matan Ruak ho membru governu sira partisipa serimónia funebre Eis Embaixadór Timor Leste ba Malázia, Saudozu Djafar Bim Hamut Alkatiri.

Saudozu Djafar hakotu iis iha loron Tersa (09/11/2021) iha Ospital Sangla Bali-Indonézia, tanba sofre moras diabetes. No haloot ona iha Semitériu Musulmanu, Taibessi, Dili iha loron Kuarta (10/11/2021).

Foto Espesial

Família transporta Saudozu nia isin mate husi Bali mai Dili no haloot iha Semitériu Musulmanu nian iha Taibessi, Kuarta (10/11/2021).

Família no parente sente lakon boot ida.  Saudozu nia alin Marí Bim Amude Alkatiri expresa sentimentu triste hodi lembra fali bainhira sei moris tulun malu iha terus no susar nia laran.

“Besik tinan ha’at ona mak ita tanis tan ita Maun Doben Ali husik hela ita. Iha tempo nebá ha’u hatene katak maski terus no laran susar, Mano Djafar haka’as-a’an tebes atu hatudu kbi’it, liu-liu hodi fó protesaun ba ha’u,” Alkatiri subliña.

Foto Espesial

Durante infrenta moras, iha Dili hala’o tratamentu iha Klínika Maternidade Fatumeta no hala’o transferénsia ba Bali iha loron Sábadu (06/11/2021).

Saudozu hakotu iis ho idade 74 no husik hela nia expoza Bachitah Binti Said Alkatiri ho oan na’in-neen mak hanesan Nur, Yaser, Sami, Dila, Najib ho Hamut, no  beioan hamutuk na’in-10.

Matebian hanesan membru Comite Central FRETILIN (CCF) iha tinan 1975. Vise Departementu Saúde no Hijiene Populár no Lokutór Rádiu Maubere iha tinan 1975. (cao)

No More Posts Available.

No more pages to load.