Alkatiri Keixa José Luis Guterres, Rogerio Lobato, Abílio Araújo ho Guilhermina Lobo ba Ministériu Públiku

by -51 views

Timor Post (18/12/2020)—Eis Primeiru Ministru atuál Sekretáriu Jerál FRETILIN, Mari Bim Amude Alkatiri, offisialmente keixa ona sidadaun na’in haat inklui José Luis Guterres, Rogerio Lobato, Abílio Araújo ho Guilhermina Lobo de Araújo ba Ministériu Públiku (MP) liga ho kazu Skylight.

“Ohin ha’u mai hato’o keixa krima kontra sidadaun  Timor nain haat ema hotu koinese sira, Abílio Araújo, José Luis Guterres, Rogeiro Lobato no Abílio Araújo nia kaben Gulhermina Lobo de Araújo” Alkatiri ba Jornalista sira iha edefísiu Ministétiu Públiku, Kolmera, Sesta (18/12/2020).

Alkatiri hatete, sidadaun na’in haat ne’e tenke ba hatan ba sira nia hahalok ne’ebé nia konsidera krime denunsia kalonioza.

“La’ós krime de’it maibé sira iha osan no sei husu mós indiminizasaun,” Alkatiri afirma.

Eis Prezidente RAEOA-ZEESM ne’e mós sei hato’o tan keixa hasoru sidadaun Timor seluk ne’ebé nia konsidera hanesan “tambor mamuk” (ko’alia arbiru hasoru nia).

Isu Skylight hahú mosu iha tinan hirak ikus ne’e akuja Alkatiri involve iha kazu ne’e hodi ikus mai oho Saudozu Nicolau Lobato iha batalla hasoru Forsa Nasional Repúblika Indonézia (TNI).

Jornalista: Jaime Pires

Editór Noémio Falcão

No More Posts Available.

No more pages to load.