Molok Eleisaun 2023, Alkatiri Hakarak halo Intendimentu Alargadu ho Líder Nain-10 Inklui Xanana

by -5.043 views
Foto antigu

Jornalista Jaime Pires / Editór Noémio Falcão

Dili (Timor Post)—Sekretáriu Jerál partidu FRETILIN, Marí Bim Amude Alkatiri hatete, molok tama ba eleisaun parlamentar tinan 2023 sira na’in-10 inklui Kayrala Xanana Gusmão tenke túr hamutuk halo intendimentu alargada.

Ba jornalista sira iha Benfika, hafoin presta omenajen ba jornalista senior sidadania Inglatera-Timor Leste, Maxthal nia Ahu-Kudesan, Kuarta (15/12/2021), Alkatiri subliña, inisiativa halo intendimentu alargadu ne’e hanesan responsabilidade líder nasionál sira hotu.

Alkatiri la temi se-se tan mak nia temi na’in-10 ne’e, maibé nia dehan, sira ne’ebé moris husi tinan 1974 to’o 1987 tenke túr hamutuk.

“Ami hamutuk na’in-10 iha ne’e, tenke tuur hamutuk halo intendimentu alargadu ida, la’ós ami na’in-rua Xanana de’it,” Alkatiri hatete.

Nia hatutan, iha Timor Leste la’ós Xanana ho nia mesak de’it. Tanba ne’e, bainhira la túr hamutuk maka sei sees malu dook liu tan.

“Ha’u la hatene sé mak karismátiku, sé mak la karismátiku. Ba ha’u presiza iha intendimentu alargadu, la’ós ha’u ho Xanana, Xanana ho ha’u hotu ona,” Alkatiri hatete, nia ho Xanana la’ós Maromak.

“Sé nia (Xanana) hanoin nia Maromak maibé ha’u la’e, ha’u la’ós Maromak,” Alkatiri salienta.

No More Posts Available.

No more pages to load.