Alfândega no SEMA Uza Ona Sistema Asycuda World

by -157 views
Foto Espesial

Jornalista Jaime Pires / Editór Noémio Falcão

DILI (Timor Post) – Governu lansa tiha ona sistema Janela Únika Nasionál alias Asycuda World (Automated System for Customs Data)  . Ho sistema ne’e bele ona halais prosesu dokumentasaun sira iha servisu álfândega no Sekretaria Estadu Meiu Ambiente (SEMA).

Vise-Ministra Finansas, Sara Lobo Brites esplika, sistema ne’e iha efesiénsia réduz tempu ba prosesu alfándega nian, redúz tempu mós ba ajensia sira ne’ebé hola parte iha area ne’e liuliu ba dokumentu sira ne’ebé mak atu trata iha tempu ne’ebé badak no lalais.

“Programa ne’e nia objetivu prinsipál liu maka efesiénsia liu atividade sira iha portu, aeroportu iha merkadoria sira tama no sai,” Sara hatete ba Jornalista sira hafoin lansamentu iha Hotel Novu Turizmu, Kinta (30/09/2021).

Iha oportunidade, Sekretáriu Estadu Meiu Ambiente, Deometrio Amaral hatete, orgullu tanba bele hola parte ona iha programa Janela Unika Nasionál.

“Orgullu tanba hola parte iha sistema ba Janela Úniku ida ne’e hanesan esforsu ida husi Governu Timor Leste liu liu oitavo Governu atu simplifika sistema baze de dadus ida husi mekanizmu imoportasaun no exportasaun sira ne’ebé bele asegura ne’ebé bele benefisiu ba atividade komérsiu no mós ba ambiente,” Deometrio subliña.

Sistema Janela Únika mak plataforma automatizadu ida ne’ebé funsiona hanesan ponto de entrada únika ida ne’ebe Autoridade Aduaneira, ministeriu relevante seluk, departamenti governu sira, no operadores komersiu sira fahe no troka informasaun atu assiste komersiante sira hodi bele prienxe rekizitus reguladora ne’ebe iha sem dezloka husi ajensia ida ba ajénsia seluk.

Deometro esplika tan, Janela Únika Nasionál mak prosesu aplikasaun alfandegaria ne’ebe fornese simplifikasaun, seguransa, fasilitasaun, estandardizasaun no harmonizasaun ho fins atu reduz kustu halo atividade komersiu internasional, atu reduz tempu dezalfandegamentu, tranzasaun sem papeis, no kontrolu ba sasan sira ne’ebé bele kontribui ba destruisaun ozoniu.

Programa Janela Únika Nasionál ne’e deside husi Konsellu Ministru iha tinan 2017 ne’ebé identidade ajensia Governamentais mak iha atividade fronteira no mós iha Portu no Aeroportu ne’ebé utiliza sistema ida Janela Únika Nasionál  nian.

Enkuantu dadaun ne’e, instituisaun sira ne’ebé mak iha ona prosesu laran atu enklina an mak hamutuk (10), kompostu husi instituisaun estadu, Aujensia nasionál no internasional.

No More Posts Available.

No more pages to load.