Udan-Anin Boot iha Kosta Súl no Norte Timor Leste Sei Vale, Governu Alerta Salva Populasaun

by -1.807 views
Foto Espesial

Dili (Timor Post)—Governu liuhusi Ministeriu Transporte no Komunikadaun-Diresaun Nasional Meteorolojia no Jeofízika (DNMJ) informa  ba populasaun Timor laran hotu, prinsipalmente ba populasaun hirak ne’ebé hela iha foho lolon Kosta Súl no Kosta Norte, katak iha posibilidade atu mosu udan ho intensidade moderadu to’o forte akompaña ho anin entre dia 07/12/2021 to’o dia 10/12/2021.

Akontesimentu naturál ne’e bele fó risku mota tun maka’as, raí halai, bee sa’e, aí tohar no eletrisidade mate.

Tanba ne’e, DNMJ apela katak, bainhira udan no anin boot husu ba populasaun sira hadook-an husi fatin risku sira no buka hela iha fatin ne’ebé seguru.

“Kazu emergênsia ruma ou karik presiza halo evakuasaun, matein kalma nafatin, evita pániku no halo tuir orientasaun autoridade lokal ou pessoal protesaun sivil ne’ebé besik,” subliña iha avizu ne’ebé Timor Post assesu iha pájina offisiál Facebook DNMJ.

Akompanha nafatin atualizasaun informasaun husi DNMG Timor-Leste. Avizu ne’e válido to’o loron 11/12/2021 tuku 00:00 OTL.

Entretantu Sekretaria Estadu Protesaun Sivíl (SEPS) konsidera mudansa klímátika ne’e hanaran La-Nina. Tanba ne’e, alerta ba ema hotu atu ajuda labarik sira,inan isin rua,ema ho defisiensia,ferik-katuas,ema moras no ema vulneravel bainhira akontese bee-sa’e, rai halai no dezastre seluk. (cao)

No More Posts Available.

No more pages to load.