Akuzasaun hasoru Komisaun Rekrutamentu Membru F-FDTL Foun

by -2.135 views
Konferensia ba Imprensa. Foto TP

Estajiáriu MJ6 / Editór Noémio Falcão

DILI (Timor Post) Jerasaun mártires no antigu kombatentes libertasaun nasionál sira husi Kaixa Komandu Zero Três Hudi-Laran, Manleuana Dili akuza Komisaun Rekrutamentu Membru FALINTIL-Forsa Defeza Timor Leste (F-FDTL) foun tinan 2021.

Komisaun rekrutamentu konsideradu viola regra sira no la justu iha prosesu ida ne’e. Nune’e mós kestiona kona-ba membru foun sira maioria husi munisípiu balun no seluk mínimu tebes.

Liuhusi konferénsia ba imprensa loron hirak liu ba, Porta-voz  Júlio da Silva Sarmento, lee pontu hirak ne’ebé presiza hetan atensaun husi órgaun kompetente tanba sira sente Timor- Leste hanesan nasaun independénsia ida ne’ebé hamriik husi luta naruk eroi no  funu sira nian dedikasaun . Nune’e atu asegura nasaun ida husi intimidasaun iha prátika sosiál ne’ebé bele fó imparsialidade iha prosesu rekrutamentu ba militar foun.

Parte ne’e husu ba Presidente Komisaun Rekrutamentu membru foun F-FDTL  tinan 2021, Brigadeiru Jenerál Calisto Santos “Coliate” atu klarifika no justifika ba públiku kona-ba prosesu rekrutamentu.

Pontu husi Akujasaun sira:

  • Rezultadu kandidatura membru foun F-FDTL tinan 2021 ne’ebé publika iha dia 15 Setembru prosesu rekrutamentu ba publika ho sistema ou kritériu rekrutamentu nian.
  • Hakarak husu ba komisaun atu fó esplikasaun ida profunda kona-ba regime espesiál no regime jerál ,tanba kandidatura husi regime espesiál ne’ebé la pasa iha prosesu rekrutamentu.
  • Rezultadu kandidatura membru foun F-FDTL tinan 2021 ne’ebé públika iha loron  15  fulan Setembru 2021, tuir ami nia hare la hatudu balansu tuir sistema no kritériu rekrutamentu tanba kandidatura membru foun F-FDTL  tinan 2021 maioria husi munisípiu balun mak okupa.
  • Husu ba komisaun kandidatura membru foun F-FDTL tinan 2021 atu hatudu profisionál idade ,imparsialidade no integridade institusionál ne’ebé reprezenta povu no nasaun.
  • La konkorda ho sistema familiarizmu ne’ebé komisaun komete hodi elimina kandidatura husi jerasaun martiris no antigu kombatente da libertasaun nasionál oan sira.
  • Husu ba xefe estadu maiór general falentil F-FDTL ,Tenente Jenerál Lere Anan Timur atu foti asaun imediatu ba aktu irregularidade no non-profisionalizmu iha prosesu rekrutamentu ba membru foun F-FDTL  tinan 2021.
  • Rekomenda ba Presidente Da Repúblika Demokrátika Timor Leste ,Dr.Fransisco Guterres Lu-Olo Atu Foti  Asaun Imediatu Ba Profisionalizmu No Imparsialidade Komisaun rekrutamentu membru foun F-FDTL  tinan 2021.
  • Husu Primeiru Ministru , Taur Matan Ruak atu fó mós hanoin ba komisaun rekrutamentu membru foun F-FDTL tinan 2021 hodi hadi’a sistema rekrutamentu  ba futuru.
  • Husu ba parlamentu nasionál espesiálm ente dirije ba komisaun B ne’ebé trata asuntu seguransa e defeza atu foti asaun imediatu hasoru komisaun rekrutamentu membru foun F-FDTL inan 2021 hodi hatuur sistema rekrutamentu tuir prosedimentu legal.
  • Hato’o ba ministru dos antigos conbatenti da libertasaun nasionál senor Júlio sarmentu da costa meta mali atu hare ba problema ne’ebe mensiona iha leten no solusiona e sériu.

No More Posts Available.

No more pages to load.