Akta Hosi Munisípiu 7 Tama Ona Iha CNE Hodi Halo Verifikasaun

by -336 views
CNE halo konferensia imprensa, iha Salaun CNE,Kaikoli, Imajen Maria Lizia

(Reportajen Germandina Xavier/Asistente Editor Hermenegildo da Costa Tilman)

Dili (Timor Post) – Prezidente Comisaun Nasional Eleisaun (CNE) Jose Belo, hatete, hafoin STAE remata halo apuramentu nasionál, prosesu tuir mai Comisaun Nasional Eleisaun (CNE-Sigla Portuges), sei halo verifikasaun ba akta sira no daudaun ne’e akta hosi munisipiu hamutuk 7 maka tama ona mai CNE.

“Ita sei verifika akta sira ne’ebe rezultadu husi munisipiu hamutuk ho akta orijinal mai husi sentru votasaun sira ne’e no oinsa mak atu verifika fali karik iha numeru ruma ka iha buat balun ne’ebe ita presija nesesariu atu hadi’a nune mos verifika fali votu nulu no reklamadu  sira nebe mai,” nia dehan iha konferensia imprensa salaun CNE, segunda (21/03).

Nia hatete, akta sira ne’ebé mai hosi munisípiu ida-idak sei halo fila fali kontajen. No agora daudaun, munisípiu ne’ebe seidauk konklui maka Dili, no ida ne’ebe tama ona mai iha CNE  hamutuk munisípiu hitu (7) no aban ikus mak RAEOA.

Tuir lei, sei iha oras 72 atu halo verifikasaun no sei hasai rezultadu provisoriu hodi tempu ba reprezentante kandidatu sira ou kandidatu sira karik atu reklamasaun ruma tempu ne’ebe legal,  karik laiha ona tempu ne’ebe uza bele submete ona ba Tribunal Rekursu para valida rezultadu ne’ebe fo sai.

“Apuramentu ne’e importante, apuramentu katak votu sira ne’ebe mai ita deside ninia konteudu katak sira ne’ebe vota nulu no reklamadu ita haree didi’ak tanba ema nia intensaun votu diferente balun tanba liman nakdedar no mos tanba vota ladun haree no buat sira ne’e hotu CNE  nia papel oinsa atu verifika”, hakotu (Lee Notísia Seluk Iha Jornál Timor Post/Asesu YouTube Timor Post)

No More Posts Available.

No more pages to load.