Akizisaun Ró Peska Industrial-Rua Aprovadu

by -46 views
Ministru Prezidensiál Konsellu Ministru, Fidelis Leite Magalhães

DILI—Governu aprova ona autorizasaun ba abertura husi prosedimentu aprovizionamentu konkursu públiku ba akizisaun ró peska industrial rua ho kapasidade 250 GT kada ró.

Porta vós Governu, atuál Ministru Prezidensiál Konsellu Ministru, Fidelis Leite Magalhães, deklara iha semana rua liubá Konsellu Ministru aprova prosedimentu aprovizionamentu konkursu públiku ba akizisaun rua ho kapasidade 150 GT kada ró ida, maibé hafoin ekipa téknika sira husi Ministériu Agrikultura hare kondisaun tasi nia, entaun re-aprezenta fali proposta ida ho akizisaun ró ho kapasidade boot no projetu ne’e aprezenta husi Ministru Agrikultura no Peskas Pedro dos Reis.

“Ida 150 GT ne’e la vale ona, agora ró rua ho kapasidade boot, kada ró ida 250 GT,” Fidelis ko’alia liuhusi konferénsia imprensa hafoin remata reuniaun Konsellu Ministru, iha Palásiu Governu, Kuarta (14/07). (jry)

No More Posts Available.

No more pages to load.