AJTL-TLPU Prepara Simu Akudesan Jornalista Maxthal

by -423 views
Foto Espesial

Jornalista Jaime Pires / Editór Noémio Falcão

Dili (Timor Post)— Assosiasaun Jornalista Timor-Leste (AJTL) ho Timor-Leste Pires Union (TLPU) prepara simu akudesan Jornalista Maxthal iha Aeroportu Internasionál Nicolau Lobato, Dili.

Maxthal hakotu iis iha loron 28/10/2021 iha Austrália tanba moras todan. Tuir planu, família ho apoiu governu Timor Leste transporta akudesan saudozu nian mai haloot iha edifísiu Maxthal-Benfika Dili, iha loron 15/12/2021.

Portavoz TLPU no AJTL husu ba Jornalista atu halibur hamutuk hodi simu iha aeroportu.

Liuhusi konferénsia imprensa ne’ebé realiza iha Muzeum Rezisténsia, Dili, Tersa (14/12/2021), Sekretáriu Jerál TLPU, Zezito da Silva hatete, sente lakon ho Maxthal nia mate.

Nia dehan, TLPU no AJTL hanensan mahon ba jornalista timoroan sira konsiente ho istória hatudu eroi loloos, ba defende direitus umanu, liberdade imprensa no espresaun, tanba ho matebian konsege grava Masakre Santa Kruz 1991 konsege loke mundu nia matan ba timoroan sira nia luta ba libertasaun nasionál.

“Jornalista timoroan sira tenke kaer metin nafatin espíritu Maxthal nian hodi luta ba direitu umanus Timor-Leste,” Zezito hatete.

Maxthal hatudu ona ninia korajen dediiasaun domin ba povu no rai Timor-Leste, liuhusi knaar jornalista.

“Nia obra sai ona memoria enterna ba Timoroan sira hotu,” Nia hakotu.

No More Posts Available.

No more pages to load.