Ahi Hán iha Sala Reuniaun Sede CNRT

by -165 views

DILI—Derepente de’it sirkuitu eletrisidade iha sala reuniaun Sede Sentral Partidu CNRT, iha Bairro Grilhos, Dili, hodi rejulta ahi hán hahú husi AC ne’ebé monta iha sala ne’e no da’et ba plafon uma nian.

Akontesimentu ne’e mosu maizumenus iha oras, besik tuku 12 meiudia. No iha munutu hirak nia laran ekipa Bombeiros to’o kedas iha fatin akontesimentu hodi rega mate lalais ahi ne’ebé lakan boot ba dadauk.

Fonte ida ne’ebé iha hela sede CNRT ba Timor Post haktuir, sira hatene ahi hán iha sala laran tanba haree husi liur ahi suar sai maka’as ba liur.

Akontesimentu ne’e la rejulta ema ida kanek no mate, maibé kadeira ida ahi hán motuk no janela ne’ebé besik ho AC ne’e ahi lakan sa’e ba plafon no da’et ba arus janela nian sorin baluk. (cao)

No More Posts Available.

No more pages to load.