Ahi haan Uma Ualu iha Aileu inklui Uma Lisan Haat

by -93 views

Timor Post (14/12/2020)—Derepente de’it ahi haan uma hamutuk ualu inklui uma lisan haat iha Suku Lauisi, Munisípiu Aileu iha loron rua liu ba.

Autoridade lokal haktuir, ahi fofoun mosu iha uma lisan Hohorai Maumut hodi daet ba uma seluk ne’ebé ho nia distásia besik malu.

Xefe Suku Adelaide Carvalho dehan, dezastre ne’e nia rasik la brani foti konkluzaun tanba natureza. “Kauza ne’e ita labele deteta dehan ema mak sunu maibé ita haree ba natureza,” Xefe suku subliña.

Entretantu Komandante Polísia Munisípiu Aileu, Jorge Monteiro ba Timor Post haktuir, motivu husi ahi haan uma hirak ne’e tanba udan boot no rai lakan maka kona.

“Railakan mak kona iha uma lisan nia tutun lansung ahi haan kedas,” Komandante Jorge hatete.

Nia dehan, akontesimentu ne’e la rejulta ema ruma kanek no mate.

Entretantu tuir informsaun ne’ebé Timor Post asesu haktuir, parte governu liuhusi diresaun ne’ebé tutela iha ministériu interior lori ona apoiu emerjénsia ba komunidade sira iha fatin akontesimentu.

Fó hanoin mós katak, iha semana kotuk ahi haan uma lisan rua iha knua Makalosu, Suku Lelalai, Munisípiu Baukau, deskonfia rai lakan maka kona. (cao)

No More Posts Available.

No more pages to load.