DILI (Timor Post.com)— Sentru Formasaun Jornalizmu Timor Post (SFJ-TP) halo enseramentu aumezmu tempu distribui sertifikadu ba formandu na’in sanulu ne’ebé mak finaliza ona formasaun jornalizmu báziku durante fulan haat hahu husi fulan Agostu-Novembru 2023.
Diretora Sentru Formasaun Jornalizmu Timor Post, Santina de Araújo hatete, husi inisiu abertura formandu hamutuk na’in 19, na’in 9 sai iha dalan klaran , na’in 10 mak konsege remata no simu sertifikadu ba ohin loron.
“Inisiu formasaun iha formandu/alunu hamutuk 19, maibé iha dalan klaran na’in-sia retira lahatene tanba saida no ohin na’in sanulu mak simu sertifikadu” Diretora Sentru Formasaun Jornalizmu Timor Post, Santina de Araújo ba Timor Post iha Salaun SFJ-TP, (17/11).
Diretora Santina haktuir, formasaun ne’e nia durasaun fulan haat mak hanesan teoria fulan ida, pratika fulan ida no estájiu professional fulan rua.
“Foin sa’e sira rezultadu husi kursu ne’e la’ós formalidade de’it maibé sai bukae murak imi nian, iha imi nia moris no tulun imi iha merkadu servisu nian” nia dehan.
Tempu ne’e badak tebes, tanba ne’e labele baruk atu buka aprende, tanba imi mak futuru nasaun nian. Siensia ne’e bukai ida hodi bele uza atinje imi nia meta iha karreira servisu nian.
Mensajen ba formandu sira ,se imi hakarak duni hili dalan sai jornalista labele baruk atu lee hodi hatene saida mak akontese iha mundu no rai laran no mós labele moe no baruk atu husu ema ne’ebé mak hatene.
“Moris ne’e temporariu, tanba ne’e presiza aprende barak hodi aumenta ita nia abilidade, pensamentu ba mundu servisu nian”.
“Tanba ne’e aproveita imi nia tempu didi’ak hodi aprende di’ak liu tan atu kompete iha merkadu servisu tanba imi sei ho idade ne’ebé joven”. Hakotu.
662 total views, 12 views today
Bele hare Video Seluk :
Subscribe to Timorpost
