Adalgiza Hasoru PR Lú Olo Ko’alia Simeira CPLP

by -183 views
Ministra Negosiu Estranjeiru no Kooperasaun Adalgiza Magno hasoru malu ho Prezidente Republika Francisco Guterres Lu Olo, ko'alia kona-ba simeira CPLP. (Foto Media PR)

(Jornalista Venidora Oliveira/Editor Mario da Costa)

DILI (Timor Post) — Ministra Negósiu Estranjeiru e Kooperasaun, Adalgiza Magno, hasoru malu ho Prezidente Repúblika Francisco Guterres Lú Olo, hodi ko’alia kona-ba partisipasaun Prezidente Repúblika nian iha simeira CPLP.

Nia konta, iha enkontru ne’e, prezidente repúblika, deside ninia pozisaun hodi la partisipa diretamente iha simeira ne’e, tanba situasaun iha rai laran, maibé hosi Timor sei iha ninia reprezentante.

“Prezidente iha desizaun atu ba iha simeira ka lae, maibé haree ba situasaun iha rai laran, PR deside nia sei la ba, entaun iha kazu ida ne’e ha’u maka sei ba, depois maka sei akompaña hosi enviadu espesiál hosi estadu nian,” nia hatete, iha Palasiu Prezidensiál, sesta (11/06).

Nia informa, iha simeira CPLP ba dala ida ne’e, sei mai ho tópiku kooperasaun ekonómika, haree liubá depois pandemia, atu foku liubá ekonomia diplomasia.

“MNEK rasik mós fó atensaun barak ba ida ne’e, oinsá maka ita iha tan kooperasaun liuliu iha area ekonomia, depois ita sei aprova mobilidade, hanesan tránzitu ba país CPLP sira, purezempu estudante sira, profesór sira, médiku sira, sira bele ba mai, iha rai CPLP sira seluk,” nia esplika.(Lee notisia seluk iha Jornal Timor Post)

No More Posts Available.

No more pages to load.