AcheBispo Fó Bensaun  Ba Cruz Iha Gruta Lequibau

by -141 views
ArcheBispo Dom Virgilio do Carmo, fo bensaun hela ba Ai Cruz.Foto TP/Racom Maubessi

Reportajen Rosa Garcia                                                                                    

DILI (Timor Post)- ArcheBipo Dioseze Metropolitan Dili, Dom Virgilio do Carmo da Silva, SDB, fó Bensauan ba Cruz ne’ebé harii iha Gruta Nossa Senhora Peregrina, Lequibau-Ulo Maubisse.

Nutisia ne’ebé Timor Post asesu liu hosi Radio Comunidade Maubessi , sabadu (26/04) informa, hafoin fó bensaun ba Cruz, Amo ne’ebé  hosi kongregasaun Salesiano Dom Bosco  (SDB) ne’e husu ba sarani sira iha Liquibau-Ulu, liu-liu ba foin sa’e sira atu konsidera fatin ne’e hanesan fatin sagradu hodi hasa’e orasaun ba Nai Maromak.

“Husu ba sarani sira, liu-liu ba Joven atu respeita fatin ida ne’e sai fatin Orasaun ninian. Dala barak ita hakarak buka fatin ne’ebé mak hakmatek, atu bele reza , hasouru malu ho Maromak, rona Maromak Koalia, haree ba iha Ilhas Nain Feto ninian, hare ba iha Ilhas São Jose ninian, hare Mo’os ba iha Ilhas São Miguel do Arcanjo ninian no Kruz ne’ebe iha leten, fatin ida ne’e atu konvida ita hasoru malu ho Nai Maromak”,a firm”, afirma.

Iha fatin hanesan, Konsellu Pastoral Lequibau-Ulo,Martiho Maria Sarmento, hateten Gruta ida ne’e Rasik hahu Konstroi husi Amu Bispu Diocese Maliana Hamutuk ho Sarani sira,bainhira sai hanesan Amu Paroku iha Parokia Imaculada Coração de Maria Maubisse, no inagura iha Tinan 1991 husi Amu Bispu Dom Carlos Filepe Ximenes Belo.

Partisipa iha seremonia Espiritual ne’e, Autoridade  Lokal Postu Administrativo Maubisse,Jestor Radio Komunidade Maubisse Mauloko hamutuk ho Sarani Lequibau-Ulo Suku Aituto Postu Administrativo Maubisse Munisipiu Ainaro.(Lee nutisia seluk iha jornal Diariu Timor Post)

 

No More Posts Available.

No more pages to load.