Abríl HNGV Rezista Bebé Nain Haat Mate Iha Inan Nia Kabun

by -394 views
Hospital Nasional Guido Valadares

(Reportájen Olga Soares/Editor Suzana Cardoso)

DILI (Timor Post) – Iha Fulan Abríl Tinan 2021 ne’e, tuir dadus estatistika husi Hospital Nasionál Guidu Valadares (HNGV) durante Fulan Abríl 2021 konsege rezista inan gravida nain haat mak sira nia oan mate iha kabun laran.

“Bebé ne’ebé maka moris iha emerjénsia hamutuk 422. Hosi númeru ne’e, totál bebé mate iha inan nia kabun laran hamutuk na’in haat. Kazu refere, ita kompara númeru ida ne’e ba fulan hirak liu ba iha redasaun.”

Hateten Xefe Gabinete Kontrolu Kualidade no Komunikasaun Sosial HNGV, Sara Maria Xavier ba jornalista iha HNGV, Segunda, (17/05).

Nia hateten, durante fulan ida ne’e inan ne’ebé partus iha maternidade hamutuk bebé 422. Husi númeru refere bebé ne’ebé kaduak hamutuk nain hitu. Bebé hirak ne’e moris mai ho kondisaun normál.

Ba iha inan sira ne’ebé baixa iha maternidade hamutuk hotu 510 katak Sara husi totál númeru ne’e na’in 417 maka partus. Númeru ne’ebé partu normal hamutuk 286. Sejariana 92. Partu ventoza 45 no partu pédiku 11.

“Iha Fulan Abríl nia laran ne’e ita agredese tanba, kazu Mortalidae materna laiha,” dehan Sara hodi hatutan totál pasiente ne’ebé mai iha triazen emerzensia. Durante Fulan Abríl, hamutuk 1.982. Husi total ne’e, na’in 40 maka asidente ho motor. Na’in haat asidente trafíku ho kareta. Violénsia domestika hetan pankada na’in hitu.

Númeru baixa ba unidade medisina interna durante Fulan Abríl iha pasiente hamutuk 141. Sira ne’ebé baixa iha sirurzia 76. Iha pediatria 76. Permatolojia 44. Sira ne’ebé alta iha emerzénsia hamutuk 592. Ba sira ne’ebé alta pedidu husi emerzensia na’in 10 no mate 19 iha sala emerjénsia.(Lee notísia seluk iha jornál Timor Post)

No More Posts Available.

No more pages to load.