Ramos Horta Apoiu Máskara 5000 ba Hospital Referral Kovalima

by -131 views

Timor Post (19/06/2020)-Premiadu Nobel da Pas, Jose Ramos Horta, hamutuk ho Embaixada Korea do Sul ba Timor-Leste apoiu máskara 5.000 (Rihun Lima) ba Ospitál Referral Kovalima, bainhira vizita iha Kinta (18/6)
Hafoin halo vizita no entrega tiha Máskara Horta hateten médiku sira maka frente ne’ebé atu kombate pandemic Covid-19 tan ne’e fó netik apoiu máskara ba sira maski la ho kuantidade bo’ot.

Husik tiha ospitál JRH ho Embaixada Korea nian distribui mós apoiu nesesidade báziku ba populasaun sira iha Suku Ucekai, Postu Administrativu Zumalai, Munisípiu Kovalima.

Suku ne’e konsidera hanesan izoladu ladún asesu di’ak ba Estrada, bee moos, saúde no eletrisidade ne’ebé ho total família uma kain 110.

Premiadu Novel da Paz subliña vizita ba munisípiu refere tanba konvite direta hosi Eis administradór iha tempu okupasaun Indonézia Rui Lopes.

Jornalista: Julio Salinas Soares

Editor: Mariano Martins

No More Posts Available.

No more pages to load.