20 Agostu Sei Iha Promosaun Ba Militár

by -179 views
Falur Rate Laek

DILI (Timor Post) — Instituisaun FALINTIL-Forsa Defeza Timor Leste (F-FDTL), sei hala’o promosaun ba militár sira iha loron 20 fulan Agostu.

Major Jenerál FALENTIL-Forsa Defeza Timor-Leste (F-FDTL), Falur Rate Laek, hatete iha loron FALENTIL 20 Agostu 2021 sei iha promosaun ba militár sira. Promosaun ne’e sei halo ba militár sira ne’ebé durante ne’e tuir kursu, formasaun oin-oin, promosaun ba ofisial sira, sarjentu no seluk-seluk tan.

“Promosaun iha maibé mai kuartél, depois iha vinte Augusto mai fali maka halo promosaun iha kuarta jerál, ofisial sira, sarjentu sira, sira ne’ebé tuir kursu formasaun iha rai li’ur, Japaun iha nasaun seluk-seluk,” nia dehan iha Palásiu Prezidensiál Bairru-Pité, Kuarta (04/08).

“Ho mós sira ne’ebé kursu iha IDN, promosaun ba superior sira, tuir nesesidade sira ne’e promove tiha hodi kaer departamentu sira, no servisu tékniku sira instituisaun sira,” nia informa.

Nia dehan, tuir planu 20 Agostu sei halo ezérsitu dalan ba dame, sei hahú hosi Dili ba Manatutu, Lospalos, depois termina iha fronteira no tama Dili. (ven)

No More Posts Available.

No more pages to load.