Horta Manan ‘Mutlak’ iha Sentru Votasaun EP 05 Kampu Baru

by -788 views
Brigada sira halo hela kontajen de votu, imajen TP/maria lizia

(Reportajen Olga Soares/Editor Mateus da Cruz)

DILI- Rezultadu kontajen votu iha Sentru votasaun EP 05 Kampu Baru hatudu, kandidatu númeru 14, Jse Ramos Horta maka manan ho votu 2056, hodi halakon kandidatu na’in 15 seluk, inklui adversáriu forte kandidatu Francisco Guterres Lú Olo, ho númeru sorteiu 6, ne’ebé hetan deit votu 504.

“Kontajen remata on, agora ninia rezultadu ami taka iha Sentru votasaun EP Númeru 05 Kampun Baru, rezultadu hatudu katak kandidatu númeru 14 mak hetan votu barak liu ho total votu 2056,” informa Prezidente Sentru Votasaun EP 05 Kampun Baru, Esperansa Manuela de Asunsaun Pereira da Silva, iha Sentru votasaun EP 05 Kampun Baru Domingo (20/03).

Enkuantu  kandidatu Independente  ne’ebé  hetan votu númeru ki’ik mak hanesan kandidatu númeru 12 ho total votu 4, ba kandidatu númeru 4 ho total votu 12, kandidatu númeru 15 ho total votu 4, kandidatu númeru 10 ho total votu 6,tuir fali kandidatu númeru 13 ho total votu 8, kandidatu númeru 5, ho total votu 17.

Entretantu kandidatu ho númeru 1 ho total votu 25, kandidatu númeru 2, ho total votu 23, kandidatu númeru 7 ho total  votu 79, kandidatu númeru 9, ho total votu 196, enkuantu kandidatu númeru 3 ho 11, la hetan votu.

Kandidatu hirak ne’ebé okupa númeru boot maka kandidatu númeru 6, ho total votu 504, kandidatu númeru 8, ho total 264, kandidatu númeru 16 no total votu 217 no kandidatu númeru 14 ho total votu 2056.

Sentru votasaun ne’e verifika votante ne’ebé fó votu nulu hamutuk 31, Branco ka la vota hamutuk 9, total 40.

“Ita iha total votante ne’ebé  vota iha Sentru votasaun EP 05, Kampun Baru hamutuk 3436, hosi númeru ne’e kandidatu númeru sorteu 14 mak maioria”, informa.

Prosesu kontajen hahú hosi tuku 18:00 too tuku 2:00 madrugada, situasaun la’o hakmatek tanba hetan seguransa hosi membru PNTL,  hafoin termina ekipa brigadista sira akompana urna ba STEA Nasionál.(Lee notisia seluk iha Timor Post/Asesu You Tube Timor post)

No More Posts Available.

No more pages to load.