13 Janeiru Eskola La’o Fali, Bandu Atividade Orientasaun

by -153 views

Timor Post (08/01/2021)- Ministru Edukasaun Juventude no Desportu (MEJD), Armindo Maia hatete eskola sei hahú fali iha loron 13 Janeiru hafoin suspende tanba propagasaun Covid-19

” Sirkulár sai ona atividade (eskola) sira bele la’o fali, kalendáriu eskola horisehik (7/1) asina ona, ne’ebé eskola sira hahú loron 13 fulan Janeiru ne’e bele halo ona aprendizajen “, Ministru deklara ba Jornalista sira iha Palasiu Governu, sesta (08/01).

Oras ne’e Ministériu edukasaun ho Ministériu saúde produz ona diretrizes ne’ebé regula kona bá regra organizasaun saúde no ministériu saúde nian hodi kontinua fali eskola.

“Atividade sira bele la’o maibé tenke kumpre regra saúde mundiál nian, agora ha’u ho Ministra Saúde asina ona diploma ministerial konjuntu no segunda agora bele publika iha jornál repúblika, ne’ebé mak sei regula detalla kona-ba regra sira ne’e” tenik Nia.

“Dia 13 Janeiru ne’e inisia ano letivu, maibé sei bandu atividade balun hanesan orientasaun ne’e labele halibur ema barak no sira seluk tan” nia reforsa.

Nia subliña iha loron  13  profesór no profesora hahú  halo limpeza no arma kadeira no meza tuir distánsia nune’e  to’o loron 18 fulan Janeiru  prosesu ensinu aprendizajen la’o normal.

Jornalista: Jaime Pires

Editor: Mariano Martins

No More Posts Available.

No more pages to load.