Dili (timorpost.com) – Japan International Cooperation Agency (JICA), kontinua apoiu ekipamentu laboratóriu ba Ministériu Saúde (MS).
“Ohin loraik ida ne’e Ajénsia Kooperasaun Internasionál Japaun apoiu ekipamentu mai ita, apoiu ne’e la’ós ohin de’it, maibé apoiu ida kontinua de’it”, Ministra Saúde, Odete Maria Freitas Belo, dehan iha Palasiu Sinzas, Kaikoli, Kuarta (11/01).
Nia dehan, JICA hakarak atu apoiu Governu Timor-Leste iha kedas tinan 2021 bainhira kovid-19 sei iha.
Nia hatutan, ohin sira haree katak laboratóriu nasionál ninia servisu ne’ebé barak liu entaun sira mós hanoin atu haforsa mós Laboratóriu iha UNTL nian.
“Iha tempu ne’ebá Governu Japaun prontu atu fó apoiu ba Ministériu Saúde espesialmente ba Laboratóriu Nasionál no mós sira apoiu ekipamentu ba Universidade Nasionál Timor Lorosa’e UNTL nian ho mákina, mákina refere liu ba teste kovid-19 “, Odete informa.
Tanba ne’e ohin sira entrega tan mákina ida ne’e, maibé bele mós halo teste ba moras seluk no teste mikrobiolojia nian hanesan teste HIV-SIDA bele, tuberkulozu no mós teste ba moras sira seluk.
Mákina kuantidade sira ne’ebé JICA entrega no apoiu ne’e hamutuk tolu, rua ba Laboratóriu Nasionál no ida fali ba Laboratóriu UNTL nian hodi Teste PCR, no teste Kovid-19.
Entretantu Embaixadór Japaun iha Timor-Leste, Kimura Tetsuya, aumenta tan ohin sira suporta no apoiu ne’e ho nia montante ne’ebé sei aloka ba ekipamentu hamutuk rihun atus ida tolu nulu (1030 USD), no suporta ne’e haree liuliu atu hasa’e kapasidade laboratóriu nasionál nian, maibé ba mós iha laboratóriu iha Universidade Nasionál Timor Lorosa’e (UNTL).
“Ami apoiu no tulun Ekipamentu sira ne’e ho objetivu atu tulun foin sa’e sira hodi aprende no hatene liután servisu saúde nian, no mós tuir polítika Japaun nian presiza atu fó tulun ba Nasaun hirak ne’ebé iha situasaun vulneravel liuliu parte saúde nian,” nia hateten.
1,778 total views, 3 views today
Bele hare Video Seluk :
Subscribe to Timorpost
