ADVERTISEMENT

Prezidente Horta: HNGV Enfrenta Problema Jestaun

Mario da Costa - Saude
Jornalista : Mariano Abi
Editor : Mario da Costa
  • Share
Prezidente Repúblika, José Manuel Ramos Horta, Imajen Esp.

DILI (timorpost.com) — Prezidente Repúblika (PR), José Manuel Ramos Horta, bainhira halo vizita ofisiál ba iha Ospitál Royal Darwin, Austrália, hatete Hospital Nasionál Guido Valadares (HNGV) iha Doutór no Enfermeiru Kualifikadu, maibé problema iha jestaun.

“Klaru, Hospital Nasionál Guido Valadares, problema ida mak ne’e, management “jestaun”, diresaun ospitál, iha mós Ministériu Saúde, ita muda Ministru ba mai tanba polítika, hatama Vise-Ministru tanba partidu, hatama Sekretáriu Estadu tanba partidu, la’os tanba kualidade, la’ós tanba kurríkulu”, nia hateten Timor Post Online asesu hosi Komunikadu ekipa SKS iha Darwin Australia foin lalais.

ADVERTISEMENT
SCROLL FILA BA NOTISIA


Lee Mós :
Prezidente Horta Sei Halo Vizita Estadu ba Singapura

Depois, nia dehan problema tanba laiha espíritu ekipa iha ospitál, dada problema sira oi-oin, problema partidáriu, entaun difisil teb-tebes.

Iha vizita Sábadu fim de semana ne’e, vizita Ospitál Royal Darwin, Austrália, fatin ne’ebé Xefe Estadu simu tratamentu intensivu, bainhira hetan tiru husi Grupu Petisionáriu iha loron 11 fulan Setembru tinan 2008 iha rezidénsia Metiaut, Díli.

Lee Mós :
Manufahi Laiha Fasilidade Teste Swab

“Momentu ne’ebá ha’u la hanoin ba ida-ne’e, tanba ha’u konsege mentalmente, emosionalmente ultra-pasa problema sira-ne’e. Iha ne’ebá, ha’u la hanoin loron ida, ha’u hela iha ne’e ka hela iha kotuk, kuartu ida-ne’e ka kuartu ida-ne’ebá, ha’u foka atensaun de’it ba ospitál ne’e, sira-nia ekipamentu, ijiene di’ak loos, moos loos, doutór sira kompetente loos, enfermeiru sira trata moras sira di’ak teb-tebes,” Prezidente Horta haktuir.

Xefe Estadu fundamenta katak, sistema iha Ospitál sira iha Austrália di’ak, tanba iha lei no regulamentu forte, hodi regula atendimentu husi profisionál saúde ba pasiente sira.

Lee Mós :
Agora ita Tenke Simu Konsikuénsia

Mekanizmu ida ne’e, tuir Prezidente Repúblika presiza aplika iha Timor-Leste no haforsa investimentu iha Hospital Nasionál Guido Valadares, nune’e bele garante ijiene, atendimentu no respeitu husi profisionál saúde ba pasiente sira.

 2,574 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Horta: HNGV Enfrenta Problema Jestaun” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No