(Reportajen Estaziada Ermelinda Caet/Asistente Editor Hermenegildo Tilman)
Dili (Timor Post)—Governu liu husi Sekretáriu Estadu Ambiente (SEA), ohin halo atividade avaliasaun ba selebrasaun loron mundiál Ambiente ne’ebe mak monu iha loron 05 fulan Juñu liu ba.
“Ita hatene katak tuir loloos atividade ne’e realiza iha loron 05, maibé kestaun tanba loron monu iha domingu, no atividade avaliasaun ba prémiu avalia ambiente presiza tempu tanba ne’e mak ohin ita foin mak komemora fali” Sekretáriu Estadu Ambiente (SEA), Demetrio do Amaral do Carvalho hateten hafoin remata loron Mundial Ambiente iha Salaun Delta Nova, Tersa (14/06).
Sekretáriu ne’e afirma, selebrasaun loron mundiál ambientál ba tinan ida ne’e ami reforsa ho eventu boot ida halo kompetisaun kona ba ambiente iha Timor ho tema sentrál polítika ambiente asoens sira dezafiu no oportunidade ne’ebe Timor-Leste enfrenta.
Nia afirma iha kritériu hitu (7) sai hanesan mata dalan iha eventu ne’e mak kona ba jestaun lixu iha nivel suku, jestaun floresta iha zona matak sira iha nivel suku konservasaun implementasaun tara bandu, asoens ambientál, asoens innovativa ba jere rendimentu iha uma kain sira, nivel suku no mós koezaun sosiál ne’ebe liga ho asoens ambientál sira.
“Kritériu hitu ne’e sai hanesan mata dalan iha eventu ba programa asoens ambientál tinan ida ne’e iha programa, selebrasaun loron mundiál Ambiente tinan ida ne’e” Nia salienta
Portantu, programa asoens ambientál ne’e loraik sei atribui mós prémiu avalia ambiente ba premiadu sira, ne’ebe reprezenta husi suku lima (5) ne’ebe hetan prémiu hahú husi primeiru to’o kintu lugar. (Lee Notísia Seluk Iha Jornál Timor Post/Asesu Notísia Seluk Iha You Tube Timor Post).
1,751 total views, 9 views today
Bele hare Video Seluk :
Subscribe to Timorpost
