ADVERTISEMENT

Ministériu Saúde husu OMS Ajuda Máskara ho Kualidade

  • Share
Dra. Odete da Silva Viegas

DILI (Timor Post)Ministériu Saúde (MS) husu tulun máskara ho kualidade ba Organizasaun Saúde Mundiál (OMS). Tanba daudauk ne’e komunidade sira la’o la uza máskara ho razaun osan laiha atu sosa.

Adjunta Koordenadora Sentru Integradu Jestaun Krize (SIJK), Dra. Odete da Silva Viegas hatete, nia parte ko’alia ona ho saúde mundiál katak, governu hakilar ba komunidade atu uza máskara, maibé dala barak ema atu sosa máskara mós osan laiha.

ADVERTISEMENT
SCROLL FILA BA NOTISIA


“Tanba ne’e ha’u husu ba sira oinsá atu bele apoiu máskara ida ne’ebé ema suku ho hena, atu nune’e ita bele fahe ba PNTL, F-FDTL iha baze, ita hanorin komunidade uza máskara ita mós fó daudauk ona ba sira, nune’e ita nia komunidade sira bele uza”, Odete hatete iha Otel Novo Turizmu, loron hirak liu ba.

Lee Mós :
Ministra Elia Sei Rezolve Uluk Problema Stock Out Ai-moruk

Meius nia tuir Odete bele apoiu liuhusi autoridade lokál sira, oinsá maka tun ba baze la’ós ko’alia de’it maibé fahe mos máskara ba populasaun sira.

“Ita mós haree ba iha edukasaun, labarik sira iha eskola pelumenus, iha netik máskara ruma fahe ba estudante sira, maibé ita nia ministériu saúde klaru ita labele halo milagre, atu buat hotu ita iha, maibé parseiru sira iha atu bele tutan ita nia liman hodi bele fó apoiu,” nia subliña.

Nune’e mós, reprezentante Organizasaun Mundiál Saúde (OMS) iha Timor-Leste (TL), Arvind Mathur, alerta ba ema ne’ebé simu ona vasina kompletu atu kontinua halo tuir protokolu saúde nian ne’ebé rekomenda ona husi OMS no Ministériu Saúde. Tanba daudauk ne’e númeru kazu aumentu Covid-19 nian iha loron hirak ikus ne’e númeru sa’e makas. Kazu aumenta tanba falta koñesimentu públiku atu kumpre protokolu saúde nian.

Lee Mós :
Deskonfia Iha Indísiu Krime, KAK Halo Averiguasaun Direita Ba MS- Salimagu

“Bainhira ha’u la’o liu sidade ne’e, no buat ida ne’ebé halo ha’u triste maka ema la’o ba mai la tuir protokolu saúde nian. Sé situasaun ne’e kontinua hanesan ne’e, maski númeru vasina aumenta, maibé númeru Covid-19 mós sei aumenta”, nia hatete.

Tuir nia dadus hatudu katak, ema sira ne’ebé simu ona vasina ne’e iha insidénsia Covid-19 ne’ebé ki’ik tebes, kompara ho sira ne’ebé la simu vasinasaun.

Lee Mós :
Moras Konjuntivu Mosu no Hahú Da’et Lalais

Nia esplika, vasina la’ós fatór prinsipál ida atu prevene Covid-19. Tanba ne ‘e, nia husu ba ema hotu atu kontinua halo tuir protokolu saúde nian, hanesan uza máskara, mantein distánsia no evita ema barak no fase liman.

“Ho vasina, risku atu hetan virus ne’ e ki’ik liu. Ema ne’ebé vasina ona bele hetan Covid-19, maibé la grave hanesan sira ne’ebé la simu vasinasaun”, nia hatete. (res)

 672 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ministériu Saúde husu OMS Ajuda Máskara ho Kual…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No