DILI (Timor Post)—Ministériu Saúde (MS) hamutuk Institutu Nasionál Saúde (INS) halo lansamentu ba Matadalan Prevensaun no jestaun ba Moras Febre Remátika Aguda (ARF) no Moras Reumatizmu Fuan (RHD) iha Timor-Leste, iha Salaun JL Villa, Ai-Mutin, Dili, tersa foin lalais ne’e.
Ministériu Saúde liuhosi Diretora Jerál Prestasaun Saúde (DJPS), Odete Viegas hamutuk ho Diretora Ezekutivu Institutu Nasionál Saúde (INS), Domingas da Costa Pereira ho Senior Research Fellow Pediatric infectious diseases Specialist, Joshua Francis hala’o.
Atividade refere organiza hosi Diresaun Nasionál Controlo Doencas (DNCD) Departamentu moras la hada’et.
“Programa sira-ne’e bainhira atu hala’o tenke iha sasukat matadalan ho nune’e ita-nia profisionál saúde sira bele utiliza Matadalan ida-ne’e hahú hosi Sentru Saúde Komunitária (SSK), Postu Saúde (PS), Ospitál Referénsia no Ospitál Nasionál Guido Valadares”, dehan Odete Viegas.
Peskiza ida-ne’e hala’o hosi MS Parseria ho Menzies School no mós Institutu Nasionál Saúde (INS) hala’o ona iha Dili no Munisípiu Ermera.
Espera matadalan ne’ebé lansa ona no iha etapa tuirmai sei halo treinamentu ba iha Profisionál saúde-sira ho nune’e sira mós bele iha koñesimentu kle’an ba moras ida-ne’e. No bele iha ativu liu tan halo intervensaun liuhosi prevensaun no reabilitasaun iha futuru.
Marka prezensa iha serimónia refere mak, profisionál saúde sira, médiku espesialista, parseiru ho seluk-seluk tan.
Notísia ne’e Diáriu Timor Post asesu liuhosi pájina saúde nian, sesta (13/08). (*/fer)
832 total views, 3 views today
Bele hare Video Seluk :