ADVERTISEMENT

Sarani Selebra Loron Nossa Senhora Maria Imaculada ho Ordenasaun ba Diákonu Na’in-4

Mario da Costa - Relijiaun
Jornalista : Ermelinda Caet
Editor : Mário da Costa
  • Share
Diákonu nain-4, ne'ebé simu Ordenasaun hosi Dom Virgílio do Carmo Cardeal da Silva SDB, Kinta (08/12), Imajen TP/Beatriz Belo

Dili (timorpost.com) – Sarani Katólika sira, Kinta (08/12), selebra loron solenidade ba Nossa Senhora Maria Imaculada da Conceição ho misa Ordenasaun saserdotal ba Diákonu Na’in-4, husi Sua Eminénsia Dom Virgílio Cardeal do Carmo da Silva SDB.

“Hakosok ba ohin ita bele halibur hamutuk iha fatin ida ne’e, loron 08 Fulan Dezembru tinan 2022,  hodi Komemora Solenidade Imaculada da Conceição nain, feto sala lalaek, Mahein rai Timor no kreda Timor Arquidioseze Dili”, omilia Sua Eminénsia Virgílio do Carmo da Silva, iha Igreja Katedrál.

ADVERTISEMENT
SCROLL FILA BA NOTISIA


Portantu Diákonu nain-haat, ne’ebe ohin simu Ordenasaun maka Padre Mariano Quintão Rego, Agustinho Piedade Babo, Favelino Alves da Costa no Rui Aca-Mau.

Lee Mós :
Atividade Cruz Joven Atu Harii Aspetu Moris Saida Iha Sarani Sira

“Governu fó loron bo’ot ida ne’e sai loron Ferias Nasionál, maibé ita ema loron ferias hanesan la ba misa, pelumenus ohin ema barak mai misa ho halibur hamutuk nu’udar sarani no kreda atu hahi Maromak, Reza, manifesta komuñaun nu’udar Maromak oan no hamutuk hodi agradese”, nia hateten.

Nia esplika, atu agradese lo’os ba saida, husi leitura sira ne’ebé ohin rona, katak tau iha neon no fuan katak Maromak maka hadomi ida-idak, maski Maromak hadomi maibé dala-barak fila kotuk, no maski nia buka dala-barak mais sees husi nia, nia ne’ebé fiel, maibé dala-barak hatudu infedelidade ba Maromak, tanba infedelidade ne’e mosu intendensia hakarak, maibé la’ós buras, maibé hakarak atu sobu no estraga amizade entre ema ho Ema no mós ema ho Maromak.

Lee Mós :
Arsebispu Dili no Bispu Na’in-Rua Presta Omenajen ba Saudoza Isabel Ferreira

“Festa Arquidioseze Padroera Timor nian konvida ita hotu ohin hamutuk ho ita-nia maluk na’in-4, ne’ebé agora sara sira-nia aan ba Maromak liuhusi Ordenasaun Saserdotal hamutuk mós ho família tomak no sarani tomak ne’ebé dadeer mai hodi selebra loron padroeira Arquidioseze nian, nune’e moris nu’udar diakónu tinan ida resin ohin sira hakarak saraan tomak ho Maromak”, nia dehan.

Alin Doben ka Diakónu na’in-haat ritu Ordenasaun nian molok tama ba iha konsagrasaun nian iha jestu ida latan iha Rai durante ladaina.

Lee Mós :
Ho Bem Aventuransas, La Preciza ‘Segundo Ronde’ Atu Tama Lalehan

“Maibé jestu ida ne’e nia sentidu klean latan ba Rai hatudu ita hanesan rai rahun la folin buat ida, iha Maromak nia oin ita la’ós husi rai ita lafolin, Maromak halo ita latan iha rai hatudu ita-nia umilidade no folin laek iha Maromak nia oin,” nia hateten.

Ikus nia busu Sarani doben sira atu haraik an no hateke ba nain feto Virjen Santísima Trindade maka Maria Imaculada da Conceição.

 3,099 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sarani Selebra Loron Nossa Senhora Maria Imacul…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No