Manatuto (timorpost.com) – Maromak Mak sai mundu nia naroman no kalan ba sarani sira hotu, atu tau fiar ba nia nu’udar na’in lulik ida iha fuan no kakutak.
“Maromak nia husu atu reza hodi hasae ita-nia orasaun hodi hasae ita-nia hakarak, atu bele hetan moris di’ak no saudavel hodi hado’ok a’an hosi perigu nia laran,”dehan amu Vigáriu Parókia Laklubar, Benjamin Freitas Soares, iha Laklubar, Munisípiu Manatuto, Domingu (16/10).
Tuir Amu, reza mak sai save no ai-haan lor-loron ba ema nia moris, tanba reza la’ós atu atinje kedas, maibé orasaun atu hado’ok a’an hosi terus no susar, atu sai naroman ba mundu.
“Ita ema sadere ba maromak, tanba maromak mak ita bele ultrapasa hodi hetan doutrina fiar nian ba malu,” nia subliña.
Nia dehan, maromak ko’alia ho ema mak liuhosi orasaun, tanba ne’e labele hamosu liafuan baruk, kolen, atu husu ba maromak, atu tulun, fó forsa ba nafatin.
“Reza lor-loron, hanesan reza tersu, labele baruk, basa, iha minutu balu atu ita husu ba na’in Jesus kristu, atu hado’ok ita hosi kalan ba naroman mundu nian”, nia hateten.
Sarani sira hotu, presiza reza, no reza, hodi hasae susar no terus atu aumenta forsa no hetan espiritu ida ne’ebé di’ak no beran matenek tomak, hodi hasoru dezafiu hot-hotu, atu sai moris di’ak, tanba maromak mak sai save mundu nian, naroman sarani sira nian iha mundu.
Tanba ne’e, ikus nia husu ema hotu atu reza no hasae orasaun hodi haforsa nafatin mehi ida sai buras, tanba fiar maromak mak haburas forsa fuan no kakutak sai ba matenek no kbi’it wa’in iha mundu.
2,872 total views, 3 views today
Bele hare Video Seluk :