Dili (timorpost.com) – Uma Kreda Katólika Timor-Leste, lakon tan bibiatan di’ak ida, Padre António Alves, ne’ebé hakotu-iis iha Australia.
Tuir família matebian, Costansia Branco da Silva, ohin sira rona katak Amu Antonio Alves, hakotu ona iis iha Australia, maibé nia mate-isin sei lori mai Timor-Leste.
“Ami iha Parókia Motaél ne’e no Amu Parokia sira seluk konfirma atu prepara fatin no simu mate-isin Amu António Alves, iha tempu badak, ne’ebé agora ita sei hein”, nia hateten Timor Post Online iha Parókia Motaél, Segunda (10/10).
Nia dehan, agora sira hein mate-isin Amu nian prosesu atu mai too loron 8 ka 9, entaun sira família ba koordena ka organiza ho Amu parókia sira hodi prepara no simu amu nia mate-isin ne’e.
“Amu Antonio nia moras ne’e dezde uluk tinan 2014, sei iha Timor-Leste kedas moras komplikadu, entaun família sira lori nia tama no sai ospitál, maibé moras ne’e labele halo tratamentu, ne’e duni ami rezolve lori ba fali uma, entaun ami haree nia kondisaun la di’ak tanba ami haree nia Padre ida, entaun haruka ba Australia iha fulan Fevereiru tinan 2014, hodi halo tratamentu”, nia konta.
Tanba ne’e, nia dehan ohin dadeer-san nia hakotu ona iis iha ne’ebá, sira rona sente triste no tanis.
“Ha’u sente triste, tanba ne’e ha’u-nia maun no uluk ami hamutuk to’o nia sai padre”, nia afirma.
Amu Antonio mai servisu iha Timor-Leste komesa tinan 2001, nia mai Amu Bispu Dom Carlos maka bolu rasik nia hodi mai halo servisu iha ne’e, entaun nia aseita mai iha ne’e to’o nia moras iha tinan 2014, sira lori nia fila fali ba iha Australia to’o ohin loron nia hakotu ona iis.
4,034 total views, 3 views today
Bele hare Video Seluk :