DILI (timorpost.com) – Iha misa Domingu Santa, Padre Paul Kerans SVD, hatete ema ne’ebé riku tenke ajuda ema ki’ak sira.
Nia hatete, ema moris iha Mundu ne’e, presiza kompleta malu, maski Maromak haraik gransa ne’ebé la hanesan, balun riku no balun ki’ak.
“Ita haree ema hatais foer tur iha estrada ninin no iha loja oin, maibé ita la’o liu de’it, ita la fó buat ne’ebé nia presiza,” nia omilia iha Igreja Bekora.
Nia dehan, ema riku ne’e naran sei laiha Maromak nia oin, tanba buat ne’ebé imi hetán ne’e, Maromak mak fó, oinsá atu uza buat ne’ebé Maromak haraik ba ema ida-idak.
“Dala-barak ita ema kuandu hetán ona riku, ita loko an hodi hatudu fali ba ema seluk,” nia preokupa.
Alende ne’e nia dehan, Lazu ne’e nia moris loron-loron husu izmola ba ema, tanba ne’e nia mate nia moris iha Lalehan ne’e diferente ho ema ne’ebé riku.
“Ema ki’ak hakruk ba riku signifika, tanba ema riku nia naran, maibé la’ós Tanba rikusoin,” nia dehan.
Nia hatutan, ema moris iha rai ne’e presiza ajuda Ema ne’ebé presiza tulun husi imi, nune’e buat ne’ebé imi iha Maromak sempre haraik grasa nafatin to’o husik mundu ida ne’e.
“Tanba ne’e, ita ema presiza halo tuir Lazu ninia hahalok ne’ebé iha, atu nune’e hetan fatin di’ak iha Lalehan,” nia hakotu.
2,223 total views, 3 views today
Bele hare Video Seluk :