ADVERTISEMENT

PR Horta-Vise PM Vatikanu Lansa Sentru Fraternidade Umana iha Timor-Leste

Mario da Costa - Relijiaun
Reportajen : Mariano Abi
Editor : Mário da Costa
  • Share
Prezidente Repúblika, José Ramos Horta HO Vise PM Vatikanu, Edgar Lansa Sentru Fraternidade Umana, iha Palásiu Prezidensiál Bairru-Pité, Segunda (19/09), Imajen Esp.

DILI (timorpost.com) — Prezidente Repúblika (PR), José Ramos Horta ho Vise Primeiru Ministru Vatikanu (V-PMV), Arcebispo Edger Pena Parra, ho parte Relijiaun sira iha Timor-Leste (TL), Segunda (19/09), halo lansamentu ba “Centro da Fraternidade Humana Timor-Leste em Para da Páz Mundial”.

Prezidente Repúblika, José Ramos Horta, hatete iha tinan 2019 simu konvite husi Papa Francisco, atu hola parte hanesan membru Painel Juri ba primeiru Fraternidade Umana ne’ebé inisia husi líder boot Papa Francisco Ahamad Al-Tayyib Gran Imam de Alazar Cairo.

ADVERTISEMENT
SCROLL FILA BA NOTISIA

“Iha misaun sira ne’ebé ha’u lori durante hanesan membru Painel dokumentu Fraternidade Umana nian, sai hanesan responsabilidade boot ida ba promove pás mundiál. Ha’u nia respeitu ba líder boot na’in rua husi Igreja Katólika no Musulmanu ne’ebé ho esforsu tomak hakarak konsolida no promove fraternidade umana ba mundu,” Xefe Estadu relata, hafoin remata seremónia lansamentu ne’e iha Palásiu Prezidensiál, Bairru-Pité.

Lee Mós:
PR Horta Hatene Telekomunikasaun Timor Telekom Liña Internet Lentu

Xefe Estadu haree ba koerensia istória Timor-Leste nian, Timoroan hotu iha responsabilidade no komprimisiu atu lori misaun ida hodi konsolida pas ida ne’e hatudu iha loron dahuluk restaurasaun indepedénsia Timor-Leste nian iha tinan 2002, iha ne’ebé estadu Timor-Leste asina no ratifika dokumentu sira ka instrumentu sira Direitus Humanus nian.

PR Horta hatutan tan, liga ho dokumentu Fraternidade Umana bainhira remata misaun iha Abudabi fila mai Timor-Leste konvoka kedas reuniaun ida ho líder Relijiaun sira iha Timor-Leste, hodi entrega kopia husi deklarasaun universál ba dokumentu Fraternidade Umana.

No molok tama ba eleisaun prezidensiál ko’alia mós HO Prezidente Parlamentu Nasionál, oinsá Timor-Leste bele ratifika dokumentu Fraternidade Umana, hodi adopta nu’udar dokumentu nasionál ne’ebé ikus mai Parlamentu Nasionál ratifika para proklama nu’udar dokumentu nasionál.

Lee Mós:
Hakarak Hatene Dezenvolvimentu Ekonomia, PR Horta "Bolu" Serve ho TradeInvest

“Espera, iha sekuensia sira tuir mai bele adapta dokumentu Fraternidade Umana ba kurríkulu eskolar tuir nivél ne’ebé kada eskola iha, hahú husi nivél Ensinu Báziku ba to’o Universidade,” PR Horta dehan.

Alende ne’e mós Xefe Estadu agradese ba prejensa Vise Primeiru Ministru Vatikanu ne’ebé ohin halo lansamentu ba Sentru Fraternidade Umana Timor-Leste, no ida ne’e sai hanesan pasu dahuluk Timor-Leste nian atu implementa Fraternidade Umana.

Iha fatin hanesan, Asesor Fraternidade Umana Prezidente Repúblika Martinho Gusmão, esplika atualmente sentru Fraternidade Umana ida ne’e inisia husi Prezidensia Repúblika no harii hotu tiha ida ne’e mak foin elabora nia estatutu, hodi kontinua ba oin hamutuk ho líder Inter-relijiozu sira hotu sei haruka sira-nia reprezentante mai iha sentru ne’e, para serbisu hamutuk oinsá mak elabora Fraternidade Umana ne’e la’o ba oin.

Lee Mós:
Serimónia Kardeál Dom Virgílio, Konvida Bispu Hosi Nasaun Viziñu

“Fraternidade Umana iha nia asentu rua, ida husi parte Estadu no ida husi parte Relijiaun hotu-hotu nian,” Martinho afirma.

Asesor ne’e haktuir, atu integra dokumentu Fraternidade Umana ne’e ba iha kurríkulu nasionál sei haree nia posibilidade oi-oin, tanba iha kurríkulu iha buat rua importante, ida mak Intra-kurikular no ida seluk mak Extra-kurikuler.

Martinho aumenta, Prezidente Repúblika halo deklarasaun fila-fila oinsá atu integra dokumentu Fraternidade Umana ba kurríkulu nasionál, tanba ne’e ba oin Sentru Fraternidade Umana sei halo diskusaun ho relijiaun sira no Estadu, tanba sira iha eskola hodi haree oinsá halo opsaun no estudus kle’an liu tan kona-ba integrasaun dokumentu Fraternidade Umana ba kurríkulu nasionál.

 1,532 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta-Vise PM Vatikanu Lansa Sentru Fraterni…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: