ADVERTISEMENT

Estátua Sagrada Família Iha Foho Darlau Hetán Estragu

Mario da Costa - Ermera · Relijiaun
Reportajen : Germenino Ximenes
Editor : Mário da Costa
  • Share
Estátua ne'ebé hetán estragu hosi ema moras mentál, iha Munisípiu Ermera. Imajen Esp.

Ermera (timorpost.com) – Estátua Sagrada Família lokaliza iha foho Darlau, Suku Leimea Leten, Postu Administrativu Atsabe, Munisípiu Ermera, hetán estragu ka baku rahun husi ema ho kondisaun moras mentál.

Katekista ba Kapela Sagrada Família Leimea Leten, Carlos Fernandes Gomes, konta, katak estátua hetan estraga iha segunda (13/09) kalan husi ema ho kondisaun moras mentál no nia rasik mak informa ba sarani sira ne’ebé hela besik iha foho Darlau.

“Ema ida ho moras mentál ba baku rahun tiha estátua Sagrada Família ne’e, depois nia fila mai informa ba família sira ne’ebé besik ne’e katak nia sae ba avó sira baku nia, maibé nia mak baku rahun fali estátua ne’e”, nia hateten ba Timor Post, sábadu (17/09), via telefone.

Lee Mós:
Oan Soru : “ Prezensa Dewan Solidaritas, Prepara Povu ba Ukun An”

Nia dehan, sira informa ona ba parókia, maibé Amu Seidauk resposta tanba okupadu, maibé madre iha parókia resposta katak hein Amu husi Dili.

“Ha’u liga ona ba Amu paroko, maibé númeru laiha linha, entaun ha’u liga ba madre sira no sira resposta katak hein de’it bainhira sira to’o mai. Ami Barak mak ba ona iha ne’ebá hodi hein amu mai husi Díli atu halo misa”, nia salienta.

Lee Mós:
Baskulante ho Beat Soke Malu Rezulta Joven Na'in-2 Lakon Vida

Estátua Sagrada família ne’ebé hetán estragu ho nia altura mais ou menus metru rua.

 3,285 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estátua Sagrada Família Iha Foho Darlau Hetán E…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: